ისრაელიდან საქართველოს 23 მოქალაქის დეპორტაცია განხორციელდება

2017-01-24 13:44:19, 1048 ნახვა

საზოგადოება

ისრაელში საქართველოს 23 მოქალაქეს ქვეყანაში შესვლაზე უარი უთხრეს.

არსებული ინფორმაციით, ისრაელში ჩასული საქართველოს მოქალაქეები აეროპორტშივე დააკავეს.

როგორც "ექსპრესნიუსს" საქართველოს საგარეო საქმეთა სამინისტროში განუცხადეს, მოქალაქეების დეპორტაცია საქართველოში 26 იანვარს იგეგმება.

"ისრაელის საზღვრის დაცვის სამსახურიდან მიღებული ინფორმაციის თანახმად, გუშინ საქართველოს 23 მოქალაქეს უარი უთხრეს ქვეყანაში შესვლაზე. ისინი შესაბამის სადეპორტო დაწესებულებაში არიან მოთავსებული. მათი უკან საქართველოში გამოგზავრება იგეგმება 26 იანვარს. საზღვრის დაცვის სამსახური დაკავებულებს საზღვრის უკანონოდ გადაკვეთას ედავება. გარდა ამისა, ხშირ შემთხვევაში ოფიციალურ მიზეზად, გონივრული ეჭვი სახელდება, რომ მათ ქვეყანაში არალეგალურად დარჩენა სურდათ. დაკავებულები საკონსულოს არ დაკავშირებიან, თუმცა ინფორმაციის შეშვლის შემდეგ, კონსულმა შესაბამისი წერილით მიმართა ისრაელის მთავრობას, რათა მოქალაქეებს შეხვედროდა", - აცხადებენ უწყებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან