2017-01-23 14:01:12, 994 ნახვა
საზოგადოება
ნიკა მელია ვანო მერაბიშვილს ხვდება
„ნაციონალური მოძრაობის“ პოლიტიკური საბჭოს თავმჯდომარე ნიკა მელია პარტიის გენერალურ მდივანს ვანო მერაბიშვილს ხვდება
არსებული ინფორმაციით, მელია ე.წ. მატროსოვის ციხეში 14:00 საათზე მივიდა.
სწორედ ამ შეხვედრის შემდეგ უნდა გახდეს ცნობილი, გახდება თუ არა ვაკანტური „ნაციონალური მოძრაობაში“ გენერალური მდივნის თანამდებობა.
შეგახსენებთ, 20 იანვარს გამართულ ყრილობაზე „ნაციონალურმა მოძრაობამ“ ახალი გენერალური მდივანი არ აირჩია და აღნიშნულ თანამდებობაზე კვლავ ვანო მერაბიშვილი დატოვა. მოგვიანებით პარტიის გადაწყვეტილებას თავად მერაბიშვილი გამოეხმაურა და აღნიშნა, რომ მას გენერალურ მდივნად არჩევაზე თანხმობა არ განუცხადებია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
