2017-01-11 10:02:11, 2574 ნახვა
ეკონომიკა
ერთჯერადი ლარიზაციის სქემა 17 იანვრიდან ამოქმედდება
საქართველოს მთავრობა სესხების ლარიზაციის გეგმის განხორციელებას იწყებს. როგორც პრემიერ-მინისტრმა მთავრობის დღევანდელ სხდომაზე განაცხადა, ერთჯერადი ლარიზაციის სქემა 17 იანვრიდან ამოქმედდება:
„მოგეხსენებათ, საქართველოს მთავრობამ ეროვნულ ბანკთან ერთად შეიმუშავა სესხების ლარიზაციის გეგმა. ჩვენ ვიწყებთ ამ გეგმის განხორციელებას 2017 წლის იანვრიდან. ერთჯერადი ლარიზაციის სქემა 17 იანვრიდან ამოქმედდება. ამიტომ დღეს ფინანსთა მინისტრს გამოაქვს დასამტკიცებლად ეს კონკრეტული დეტალები. ეს არის ძალიან სწორი პროცესი, რომელიც მიზნად ისახავს ჩვენი მოსახლეობისა და საფინანსო სექტორის დამოკიდებულების თანდათანობით შემცირებას დოლარზე“,-აღნიშნა პრემიერმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
