„ვითიბი ბანკი“ პარაოლიმპიური კომიტეტის გენერალური სპონსორი გახდა

2016-12-23 18:08:36, 1019 ნახვა

საზოგადოება

ვითიბი ბანკმა კიდევ ერთ მნიშვნელოვან პარტნიორობას ჩაუყარა საფუძველი. არა ერთი სპორტული ფედერაციის და გუნდის მერე, ბანკი პარაოლიმპიური კომიტეტის გენერალური სპონსორი გახდა. პროექტის ფარგლებში გამოყოფილი დაფინანსება სამთო სათხილამურო ეტლების შეძენას მოხმარდება.

აღნიშნული ეტლებით ქართველი პარაოლიმპიელები მომავალ წელს მსოფლიო თასის და სარეიტინგო ტურნირებში მიიღებენ მონაწილეობას. რაც თავის მხრის 2018 წლის პარაოლიმპიური თამაშების ლიცენზიის მოპოვებაში დაეხმარებათ.

"ვითიბი ბანკის" ვიცე პრეზიდენტის გიორგი ბარკალაიას განცხადებით, ეს განსაკუთრებულად საამაყო მოვლენაა

"ჩვენთვის ძალიან სასიხარულოა, რომ პარაოლიმპიური კომიტეტის გენერალური სპონსორები გავხდით. ეს განსაკუთრებულად საამაყო მოვლენაა. ბევრ სხვა პროექტთან ერთად, ვითიბი ბანკმა მხარდაჭერა გამოუცხდა ქართველ პარაოლიმპიელებს. ვიმედოვნებთ, რომ ეს დიდი წარმატების დასაწყისი გახდება", - აღნიშნა მან.

(R)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან