საქართველოს საგარეო საქმეთა მინისტრმა მიხეილ ჯანელიძემ, 19 დეკემბერს ბერლინში მომხდარ ტერორისტულ აქტთან დაკავშირებით, გერმანიის საელჩოში გახსნილ სამძიმრის წიგნში ჩანაწერი დატოვა.

საგარეო საქმეთა სამინისტროს ინფორმაციით, მიხეილ ჯანელიძემ გერმანიის ხელისუფლებას და გერმანელ ხალხს მიუსამძიმრა და მწუხარება გამოთქვა ტრაგიკული მოვლენის გამო.

„გამოვხატავ სოლიდარობას და  ვგმობ იმ საზარელ ტერორისტულ აქტს, რომელიც  ბერლინში მოხდა.  ეს არის ის დიდი პრობლემა, რომელიც დღეს ყველას წინაშე დგას,  ეს არის ის საფრთხეები, რომელსაც ჩვენ ყველა ერთად უნდა ვებრძოლოთ. საქართველო დგას გერმანელი ხალხის გვერდით და საერთაშორისო თანამეგობრობასთან ერთად ყველაფერს ვაკეთებთ იმისათვის, რომ ვებრძოლოთ ტერორიზმს, უზრუნველეყოთ უსაფრთხოება, მშვიდობა და განვითარება, როგორც ჩვენს რეგიონში, ასევე მსოფლიოს მასშტაბით" - აღნიშნა საქართველოს საგარეო საქმეთა მინისტრმა.

19 დეკემბერს, ბერლინის ცენტრში, საშობაო ბაზრობაზე მომხდარი ტერორისტული აქტის შედეგად დაიღუპა 12, ხოლო დაშავდა 48 ადამიანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს