ლევან სუთიძის ვარაუდით, მეუფე დიმიტრი შიოლაშვილი პატრიარქობისათვის ემზადება

2016-12-20 23:13:18, 1286 ნახვა

საზოგადოება

ჟურნალისტ ლევან სუთიძის ვარაუდით, მეუფე დიმიტრი შიოლაშვილი პატრიარქობისათვის ემზადება.

გადაცემა "არჩევანში" სუთიძე საპატრიარქოში არსებულ ორ ფრთას შორის დაპირისპირებაზე საუბრობს და აცხადებს, რომ საჯარო დაპირისპირებაში გამოსული სასულიერო პირების უკან პატრიარქობისთვის ბრძოლის ინტერესი დგას.

"პატრიარქის სიძე, რომელიც არის პატრიარქის უშიშროების სამსახურის უფროსი, დაუპირისპირდა ე.წ. დიღმის დაჯგუფებას. ეს არის უკიდურესად ბნელი და ექსტრემისტული გამონათქვამებით და დანაშაულებრივი ქმედებით გამორჩეული სასულიერო პირი, რომელსაც მფარველობს მიტროპოლიტი დიმიტრი შიოლაშვილი. ის პატრიარქის ძმიშვილია, რომელიც ერთ-ერთი ყველაზე გავლენიანი და შემოსავლიანი სასულიერო პირია და, როგორც ჩანს, მან უკვე დაიწყო მზადება პატრიარქობისათვის,“ - განაცხადა ლევან სუთიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან