კაჭრეთთან ავტოსაგზაო შემთხვევის შედეგად ახალგაზრდა ქალი დაიღუპა

2016-12-20 17:09:29, 1092 ნახვა

საზოგადოება

გურჯაანის მუნიციპალიტეტის სოფელ კაჭრეთთან ავტოსაგზაო შემთხვევის შედეგად ახალგაზრდა ქალი დაიღუპა.

არსებული ინფორმაციით, შემთხვევა გურჯაანი-თბილისის დამაკავშირებელ ავტომაგისტრალზე მოხდა, სადაც ერთმანეთს "ფორდისა" და "ჟიგულის" მარკის ავტომობილები შეეჯახნენ.

ამასთან, ავტოსაგზაო შემთხვევის დროს რამდენიმე ადამიანი დაშავდა. დაშავებულები გურჯაანის "ჯეო ჰოსპიტალსის" კლინიკაში გადაიყვანეს.

როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება სსსკ-ის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან