ეროვნული ბანკი ახალ დოკუმენტს გამოსცემს, რომლითაც კომერციულ ბანკებსა და გამსესხებლებს მეტი გამჭვირვალობა მოეთხოვებათ

2016-12-16 14:52:14, 2114 ნახვა

ეკონომიკა

ეროვნული ბანკის პრეზიდენტის კობა გვენეტაძის განცხადებით, ბანკი მომხმარებელთა დაცვის გაძლიერებაზე აქტიურად მუშაობს.

როგორც გვენეტაძემ პარლამენტის პლენარულ სხდომაზე განაცხადა, უახლოეს მომავალში ეროვნული ბანკი ახალ დოკუმენტს გამოსცემს, რომელიც ბანკებს და გამსესხებლებს მეტ გამჭვირვალობას დაავალდებულებს:

„მომხმარებელთა დაცვის გაძლიერებაზე ეროვნული ბანკი აქტიურად მუშაობს, რომ რაც შეიძლება მეტი ინფორმაცია მიეწოდოს მსესხებლებს სესხებთან დაკავშირებით. რადგან კარგად ინფორმირებული მსესხებელი იქნება საბოლოოდ ბედნიერი მსესხებელი. ანუ, როდესაც მომხმარებელი სესხს აიღებს, სესხის პირობებთან დაკავშირებით არ უნდა ჰქონდეს მას რაიმე მოულოდენლობა. ცოტახანში გამოვცემთ ახალ დოკუმენტს, რომლითაც უფრო მეტი გამჭვირვალობა მოეთხოვებათ კომერციულ ბანკებს და გამსესხებლებს, რათა მსესხებლებს მეტი ინფორმაცია მიეწოდოთ“,-აღნიშნა კობა გვენეტაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან