"ნაციონალური მოძრაობის" წევრ გივი თარგამაძის განცხადებით, 4 ოქტომბერს მისი ავტომანქანის აფეთქების საქმესთან დაკავშირებით საგამოძიებო უწყებებმა არჩევნების შემდეგ ინტერესი დაკარგეს, - ამის შესახებ გივი თარგამაძემ დღეს გამართულ პრესკონფერენციაზე განაცხადა.

როგორც თარგამაძემ აღნიშნა, პროკურატურა მას საქმის დეტალებს არ აცნობს.

 „4 ოქტომბრის აფეთქების გამოძიებასთან დაკავირებით, შემიძლია ვთქვა, რომ არჩევნების შემდგომ საგამოძიებო უწყებებმა ინტერესი დაკარგეს. ამიტომ, მე ჩემი ძალებით მიწევს ისინი ვაიძულო ჩაატარონ  თითოეული ის საპროცესო მოქმედება, რომელიც მათი ვალდებულობაა.გამოძიების დაწყებიდან  2 თვის შემდეგ ჩემი ძალისხმევით მივაღწიე იმას, რომ დაზარალებულად მცნეს, რაც პროკურატურას ავტომატურად უჩენს ვალდებულებას საქმის მასალები გამაცნონ, რაზეც ჯიუტად აცხადებენ უარს.

საგამოძიებო უწყების ასეთი მიდგომა საფუძვლიან ეჭვს მიჩენს, რომ პროკურატურა ცდილობს გამოძიება საკუთარი ინტერესების დაცვით წარმართოს, რათა შედეგიც თავიანთ ინტერესებს შეუსაბამონ. აღსანშნავია, რომ პოლიცია, რომელიც გამოძიებას აწარმოებს თავის მხრივ მზადაა მასალები გამაცნოს, თუმცა მათ პროკურატურის ნებართვა სჭირდებათ, რასაც ამ დრომდე ვერ მივაღწიეთ. შესაბამისად, საქმის გამოძიებასთან დაკავშირებით ჯერჯერობით მხოლოდ კითხვები არსებობს, პასუხები კი აგვიანებს", - განაცხადა თარგამაძემ.

პოლიტიკოსმა ხელისუფლებას და კერძოდ პროკურატურას მიმართ თავიანთი მოვალეობა შეასრულონ და საქმის დეტალები გააცნონ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს