პრეზიდენტმა აჭარის მთავრობის თავმჯდომარედ ზურაბ პატარაძე წარადგინა

2016-11-29 16:53:58, 783 ნახვა

პოლიტიკა

საქართველოს პრეზიდენტმა გიორგი მარგველაშვილმა აჭარის ა/რ მთავრობის თავმჯდომარის პოსტზე ზურა პატარაძის კანდიდატურა დაასახელა.

როგორც მარგველაშვილმა აღნიშნა, გადაწყვეტილება აჭარის ავტონომიური რესპუბლიკის უმაღლეს საბჭოში წარმოდგენილ პოლიტიკურ სუბიექტებთან კონსულტაციების შემდეგ მიიღო.

„აჭარის ავტონომიური რესპუბლიკის უმაღლესი საბჭოს სხდომაზე ცნობილი გახდა ახალარჩეული უმაღლესი საბჭოს უფლებამოსილება. საქართველოს კონსტიტუციის 73-ე მუხლის შესაბამისად ჩვენ უმაღლესი საბჭოს შემავალ სუბიექტებთან კონსულტაციები ვაწარმოეთ და ამ კონსულტაციების საფუძველზე აჭარის ავტონომიური რესპუბლიკის მთავრობის თავმჯდომარის კანდიდატურას წარვადგენთ. კანდიდატურა კონსულტაციების საფუძველზე შერჩეული იქნა და მთავრობას შესათანხმებლად გადაეგზავნება. ამის შემდეგ გადაეგზავნება დასამტკიცებლად უმაღლეს საბჭოს. ეს არის ზურაბ პატარაძე. მე მას ვუცხადებ ნდობას და წარმატებებს ვუსურვებ “, - განაცხადა პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან