აჭარის მე-4 მოწვევის უმაღლესი საბჭო პირველ სხდომას მართავს

2016-11-28 12:51:34, 850 ნახვა

პოლიტიკა

აჭარის ავტონომიური რესპუბლიკის მეოთხე მოწვევის უმაღლესი საბჭოს პირველი სხდომა მიმდინარეობს.

სხდომა უხუცესმა დეპუტატმა დავით თედორაძემ გახსნა.

დღევანდელ სხდომაზე საბჭო 21 ახალი დეპუტატის მანდატს ცნობს. დღეიდან ისინი მომდევნო 4 წლის განმავლობაში რეგიონში კანონმდებლობით საქმიანობას შეასრულებენ.

გარდა ამისა, სესიაზე უმაღლესი საბჭოს თავმჯდომარეს, კომისიების შემადგენლობას და საბჭოს კომისიების თავმჯდომარეებს აირჩევენ.

„ექსპრესნიუსის“ კორესპონდენტის ინფორმაციით, სხდომას ახლადარჩეული 19 დეპუტატი ესწრება. პირველ სესიაზე არ გამოცხადდა და მანდატზე უარი თქვა „პატრიოტთა ალიანსის“ სიის პირველმა ნომერმა დავით თარხან მოურავმა და“ნაციონალური მოძრაობის“ სიის პირველმა ნომერმა ლევან ვარშალომიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან