დონალდ ტუსკი ვარაუდობს, რომ შეჩერების მექანიზმზე შეთანხმება წლის ბოლომდე მოხერხდება

2016-11-24 18:47:37, 825 ნახვა

პოლიტიკა

ევროპაში არავინ არის დაინეტერესებული უკრაინისა და სხვა ქვენისთვის ვიზალიბერალიზაციის დაბლოკვით, - ამის შესახებ ევროკავშირის საბჭოს პრეზიდენტმა დონალდ ტუსკმა ევროკავშირ-უკრაინის სამიტის შემდეგ გამართულ პრესკონფერენციაზე განაცხადა.

ტუსკის თქმით, შეჩერების მექანიზმთან დაკავშირებით პროცესი, წლის ბოლომდე დასრულდება.

„ჩვენ გვაქვს შიდა აზრთა სხვადასხვაობა შეჩერების მექანიზმთან დაკავშირებით. თუმცა, ეს ცუდი განზრხავა არ არის. ჩვენ ვიმედოვნებთ, რომ ამ პროცესის დასრულებას წლის ბოლომდე შევძლებთ. ეს არის საკმაოდ რეალისტური პროგნოზი. მსურს აღვნიშნო, რომ გასულ კვირაში საფრანგეთი მოლაპრაკებებში ძალიან კონსტრქუციული იყო და ცდილობდა შეთანხმების მიღწევის ხელშეწყობას“, - აღნიშნა ტუსკმა.

ევროკომისიის პრეზიდენტის, ჟან-კლოდ იუნკერის თქმით კი, არსებობს მცირე უთანხმოება, რომელიც ძალიან მალე აღმოიფხვრება.

„პრობლემა წლის ბოლომდე გადაიჭრება“, - აღნიშნა იუნკერმა.