ზურაბიშვილი: 1-ელი ტურისთვის Allmedia-ს 3400-ზე მეტი აკრედიტაცია ჰქონდა, ახლა კი, ამ რაოდენობას კიდევ 500-ზე მეტი დაემატა

2016-10-27 18:36:18, 777 ნახვა

პოლიტიკა

მთაწმინდის საარჩევნო ოლქში მაჟორიტარობის დამოუკიდებელ კანდიდატ სალომე ზურაბიშვილის განცხადებით, სააგენტო Allmedia-ამ, რომელიც უმოქმედო სააგენტოა, არჩევნებზე აკრედიტაციისთვის კონკურსი გამოაცხადა.

როგორც ზურაბიშვილმა დღეს გამართულ პრესკონფერენციაზე აღნიშნა, პირველი ტურისთვის Allmedia-ს 3400-ზე მეტი აკრედიტაცია უკვე ჰქონდა, ახლა კი, ამ რაოდენობას კიდევ 500-ზე მეტი ადამიანი დაემატა.

„ამას ემატება „რუსთავის 2“-ის აკრედიტაიცებიც, რადგან ეს არის „ნაციონალებით“ დაკომპლექტებული სააგენტო. თითქმის 5000 ადამიანი იქნება აკრედიტებული 50 ოლქში, 30 „ჟურნალისტი“ იქნება სხვადასხვა ფორმით უბანზე. ეს ყველაფერი ხდება, „ოლმედიას“ სიტყვებით, მშვიდ გარემოში არჩევნების ჩასატარებლად. გვესმის მშვიდი გარემო და რას ნიშნავს საარჩევნო უბანში 30 ან მეტი ადამიანის შესვლა. ეს ეხება მეორე ტურის ნამდვილად მშვიდი გარემოს შესაძლო არევას. ვინ იქნებიან აკრედიტებული, ვითომ ჟურნალისტები. გვახსოვს, რომ პირვე ტურში იყო ჟორიკა რურუა და არსებობს ეჭვი, იყოს მათ რიგებში იყვნენს სხვადასხვა წარმომადგენლები იმ დაცვის კომპანიის, რომელიც ეკუთვნის რურუებს“, - აღნიშნა ზურაბიშვილმა.

ზურაბიშვილი მიიჩნევს, რომ არჩევნებზე ამდენი ადამიანის შესვლა შეიძლება ორ მიზეზს უკავშირდებოდეს - პირველი არის არეულობა, მეორე ზეწოლა ამომრჩეველზე.

„მივმართავ ყველა უბნის თავმჯდომარეს მთაწმინდაზე - კანონი ამ ყველაფერს არ კრძალავს, მაგრამ კრძალავს, უბანზე შევიდეს რომელიმე მედია საშუალებების 3-ზე მეტი ადამიანი. ჩვენი დაკმკვირვებლები მოახდენენ მკაცრ რეაგირებას ყველანაირ ასეთ დარღვევაზე. წესრიგი უნდა იყოს დაცული, ამომრჩეველმა უნდა იცოდეს, რომ დაცულია და დაცულია მისი ხმაც. ყველა ზომას ვიღებთ, რომ არანაირი დაძაბულა არ იყოს“,-აღნიშნა სალომე ზურაბიშვილმა.