"ერთად ვიზრუნოთ თქვენს  ჯანმრთელობაზე" - ამ ლოზუნგით ზესტაფონში ერისთავის სახელობის ექსპერიმენტული და ქირურგიის ეროვნული ცენტრის ექიმებმა მოსახლეობისთვის უფასო გასინჯვის აქცია გამართეს.

აქციის ფარგლებში უფასო კონსულტაციები  ცენტრის სხვადასხვა პროფილის მაღალპროფესიონალმა ექიმებმა აწარმოეს: ზოგადი ქირურგი, ტრავმატოლოგი,   გინეკოლოგი, უროლოგი, ოფთალმოლოგი, თერაპევტი, კარდიოლოგი, ნევროპათოლოგი, ენდოკრინოლოგი, ექოსკოპისტი.

საჭიროების შემთხვევაში პაციენტებს უფასო ექოსკოპიური და კარდიოლოგიური  გამოკვლევები, ასევე სისხლში გლუკოზის განსაზღვრა ჩაუტარდათ.

აქციის მნიშვნელოვანი ბენეფიტი ისაა, რომ ქირურგიის ეროვნული ცენტრი გასინჯულ პაციენტებს საჭირო მედიკამენტებით უზრუნველყოფს.

კ. ერისთავის სახელობის ექსპერიმენტული და კლინიკური ქირურგიის ეროვნულ ცენტრი - დიდი ტრადიციების მქონე, მაღალი ტექნოლოგიებით აღჭურვილი პოლიპროფილური საავადმყოფოა, სადაც დიაგნოსტიკისა და მკურნალობის თანამედროვე მეთოდები, ლაპარასკოპიული და ენდოსკოპიური  ოპერაციული მედიცინის მიღწევები ფართოდაა დანერგილი , ისეთი სერვისები, როგორიც ქირურგია, უროლოგია, გინეკოლოგია, ტრავმატოლოგია, ნეიროქირურგია, ტრანსპლანტოლოგია, ნევროლოგია, ჰემატოლოგია, ნეფროლოგია, კარდიოლოგია, თერაპია, ალერგოლოგია, ტოქსიკოლოგია, კრიტიკული მედიცინა მაღალ დონეზეა განვითარებული.       

 კ. ერისთავის სახელობის ექსპერიმენტული და კლინიკური ქირურგიის ეროვნული ცენტრი - საუკეთესო ტრადიციები, მაღალი პროფესიონალიზმი და  ხელმისაწვდომი ფასები 1946 წლიდან  დღემდე.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა

ISFED: „ქართულმა ოცნებამ“ 2025 წელს ყველა სხვა პარტიაზე მეტი — 26.5 მილიონი ლარი მიიღო

ოლიმპიურმა ჩემპიონმა და ყოფილმა დეპუტატმა ზურაბ ზვიადაურმა საპატიმრო დატოვა