2016-10-21 12:01:18, 674 ნახვა
პოლიტიკა
ლევან იზორია არ აკონკრეტებს, შეიცვლება თუ არა გადაწყვეტილება წვევამდელებთან დაკავშირებით
საქართველოს თავდაცვის მინისტრი ლევან იზორია არ აკონკრეტებს, შეიცვლება თუ არა გადაწყვეტილება წვევამდელებთან დაკავშირებით.
იზორიამ აღნიშნულ საკითხზე პოზიციის გამოხატვისგან თავი შეიკავა.
" ამ პერიოდის განმავლობაში ძალიან საფუძვლიანად ვმუშაობდით ყველა საკითხზე, მათ შორის იმ საკითხთან დაკავშირებით, რომელიც წვევამდელების ინსტიტუტს უკავშირდება. შევისწავლეთ პრაქტიკულად ყველა ქვეყნის გამოცდილება. ბუნებრივი, მე, როგორც მინისტრს ჩამომიყალიბდა ჩემი პოზიცია, მაგრამ ამ ეტაპზე ამ პოზიციის გამოხატვისგან თავს ვიკავებ“,-განაცხადა იზორიამ.
ცნობისთვის, თავდაცვის ყოფილმა მინისტრმა თინა ხიდაშელმა ბრძანება გამოსცა, რომლის ტანახმადაც თავდაცვის უწყების შენაერთებში გაწვევა სავალდებულო აღარ იქნება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
