2016-10-19 12:04:18, 857 ნახვა
პოლიტიკა
სოზარ სუბარი: მაჟორიტარული სისტემის გაუქმების საკითხი ძალაში რჩება
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით, მაჟორიტარული სისტემის გაუქმების საკითხი ძალაში რჩება.
სუბარის განმარტებით, რეგიონულ-პროპორციულ მოწყობაზე გადასვლას ეთანხმება:
„მაჟორიტარული სისტემის გაუქმების საკითხი, რა თქმა უნდა, ძალაში რჩება. ჩემი აზრით, ეს ის საკითხია, რომელშიც არ ვიზიარებ გამოთქმებს, გინდა თუ არა მაჟორიტარული სისტემა უსამართლოაო. ეს არის ისეთივე სამართლიანი სისტემა, როგორიც არის პროპორციული. საუბარი იმაზე კი არაა, რომელი უფრო სამართლიანია, არამედ იმაზე, რა მოდელს აირჩევს ქვეყანა. ამ შემთხვევაში შეთანხმებული ვართ, რომ გადავდივართ რეგიონულ-პროპორციულ მოწყობაზე და ამას ევთანხმები“,-აღნიშნა სოზარ სუბარმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
