მიხეილ სააკაშვილი: დღევანდელი შედეგები დაწყნარების და დამშვიდების საფუძველს არ იძლევა

2016-10-08 23:29:03, 680 ნახვა

პოლიტიკა

ექს პრეზიდენტი მიხეილ სააკაშვილი საპარლამენტო არჩევნების ეგზიტპოლის შედეგებს ეხმაურება.

სააკაშვილის შეფასებით, მაჟორიტარული ოლქების აბსოლუტურ უმრავლესობაში მეორე ტური გაიმართება. მისივე პროგნოზით, მეორე ტურში „ნაციონალური მოძრაობის“ წარმომადგენლები გავლენ.

„ამიტომ, ძალიან მნიშვნელოვანია, რომ თითოეული კომისიის წევრი ახლა იბრძოდეს ბოლომდე, თვლიდეს ოქმებს ბოლომდე და არ მისეცეს რაიმე სახის მანიპულაციის საშუალება. დღევანდელი შედეგები დაწყნარების და დამშვიდების საფუძველს არ იძლევა. ჩვენი ქვეყანა შეიძლება ძალიან მძიმე განსაცდელში აღმოჩნდეს ძალიან საშიშ პერიოდში. ამიტომ, ახლა „ნაციონალური მოძრაობის“ აქტივისტებს და ყველა სხვა პატრიოტ ადამიანს, რომელიცაა საარჩევნო კომისიებში წარმოდგენილი, განსაკუთრებული გულმოდგინეობა და ბრძოლისუნარიანობა მართებს“,-აღნიშნა მიხეილ სააკაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან