2016-10-08 13:56:27, 638 ნახვა
პოლიტიკა
„ქართული ოცნების“ ინფორმაციით, ზესტაფონში უბანზე ფულის გადაცემის ფაქტი დაფიქსირდა
ზესტაფონის საარჩევნო ოლქში რამდენიმე უბანზე ფულის გადაცემის ფაქტი დაფიქსირდა, - ამის შესახებ „ექსპრესნიუსს“ „ქართული ოცნებიდან“ აცნობეს.
კერძოდ, პარტიის ინფორმაციით, დამოუკიდებელი მაჟორიტარობის კანდიდატის, ილია კოკაიას წარმომადგენლები საარჩევნო უბნიდან გამოსულ ამომრჩეველებს, რომლებიც იმის დამამტკიცებელ საბუთს წარმოადგენენ, რომ არჩევანი ილია კოკაიას სასარგებლოდ გააკეთა, გარკვეული რაოდენობის თანხას ურიგებენ.
„აგიტატორი აცხადებს რომ არის ოცნების მხარდამჭერი და ასახელებს ვინმე რეზო გოგოლაძეს რომლისგანაც მიიღო დავალება, დაზუსტებული ინფორმაციით რეზო გოგოლაძე არის ილია კოკაიას წარმომადგენელი“, - აცხადებენ „ქართულ ოცნებაში“.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
