პარტია „ქართული ოცნება-დემოკრატიული საქართველოს“ გენერალურმა მდივანმა კახა კალაძემ ამომრჩევლებს ისნის რაიონის საქართველოს პარლამენტის მაჟორიტარი დეპუტატობისა და თბილისის საკრებულოს წევრობის კანდიდატები კიდევ ერთხელ წარუდგინა. დავით ჭიჭინაძე, ირაკლი აბუსერიძე და ბექა ნაცვლიშვილი „ქართული ოცნებიდან“ პარლამენტის მაჟორიტარობის კანდიდატები არიან, ზურაბ ქადაგიძე კი - თბილისის საკრებულოს წევრობაზე იყრის კენჭს.

როგორც კახა კალაძემ აღნიშნა, დავით ჭიჭინაძე, ირაკლი აბუსერიძე, ბექა ნაცვლიშვილი და ზურაბ ქადაგიძე ისნის რაიონის მოსახლეობის პრობლემებს გულთან მიიტანენ და მათ მოგვარებაში დაეხმარებიან.

„ზეგ უკვე არჩევნებია. მინდა, მოგიწოდოთ ყველას, გთხოვოთ - ხელი მოვკიდოთ ოჯახის წევრებს, მეგობრებს, ახლობლებს, ნათესავებს , მივიდეთ საარჩევნო უბნებზე, მივიდეთ საარჩევნო ყუთებთან და მივიღოთ გადაწყვეტილება, თუ ვის უნდა ვანდოთ ხვალ ჩვენი სამშობლო, ვის უნდა ვანდოთ ქვეყნის მართვა. დარწმუნებული ვარ, მივიღებთ სწორ გადაწყვეტილებას და ეს გადაწყვეტილება იქნება თავისუფლება, რომელიც თითოეულმა ჩვენგანმა ბრძოლით, მშვიდობიანი გზით მოვიპოვეთ. პარტია „ქართული ოცნება“ გიორგი კვირიკაშვილის მეთაურობით არის გარანტი იმისა, რომ ჩვენი ბრძოლით მოპოვებულ თავისუფლებას ვერავინ ვერ შეეხება“, - განაცხადა კახა კალაძემ.

მისივე თქმით, ქვეყანაში არასდროს არ დაბრუნდება ძალადობა, ისეთი ხელისუფლება, რომელიც იძალადებს მოქალაქეებზე.

„ჩვენ უნდა მივცეთ ხმა ჩვენი ქვეყნის სწრაფ ეკონომიკურ განვითარებას. ყველაფერი, რაც დღეს ყველაზე მეტად გვჭირდება, შეუძლია ერთადერთ ძალას, ერთადერთ პოლიტიკურ გუნდს, რომელსაც წარმოვადგენთ ჩვენ ყველა ერთად. ჩვენ ძალიან ბევრნი ვართ და ეს არის სრულიად საქართველო, ერთი დიდი ოჯახი, რომელსაც „ქართული ოცნება“ ქვია”, - განაცხადა კახა კალაძემ.

პარტიის გენერალური მდივნის თქმით, საქართველოს მთავრობამ ოთხი წლის განმავლობაში ბევრი კარგი პროექტი განახორციელა.

“ჩვენ კარგად გვესმის ის პრობლემები, რომლებიც დღეს აწუხებს საქართველოს მოქალაქეებს. ჩვენ ვართ ის გუნდი, ის ძალა, რომელიც შეძლებს ამ პრობლემების მოგვარებას. მნიშვნელოვანია ჩვენი ერთობა, ჩვენი ერთსულოვნება, რადგან ამის გარეშე წარმოუდგენელია წარმატებაზე საუბარი. დარწმუნებული ვარ, რომ ყველა ერთად აუცილებლად ვიზეიმებთ დიდ გამარჯვებას, რასაც პარტია „ქართული ოცნების“ გამარჯვება ქვია. ეს იქნება იმ დემოკრატიული გზის გაგრძელება, რომელიც ჩვენ 2012 წელს დავიწყეთ ყველამ ერთად“,-განცხადა კახა კალაძემ.

როგორც კალაძემ აღნიშნა, კანდიდატები, რომლებიც „ქართული ოცნების“ წევრები არიან, ღირსეულად გაართმევენ თავს დაკისრებულ მოვალეობას.

„ისინი იქნებიან ღირსეული წარმომადგენლები თითოეული თქვენგანის. ბრძოლა, რომელიც ჩვენ 2012 წელს დავიწყეთ არ არის დასრულებული და არც 8 ოქტომბერს არ დასრულდება, რადგან 8 ოქტომბრის გამარჯვების შემდეგ ჩვენ უფრო მეტი გვაქვს გასაკეთებელი, უფრო მეტი გვაქვს სამუშაო, უფრო მეტი გვექნება საბრძოლველი, რომ ჩვენი ქვეყანა გავაძლიეროთ, ეკონომიკა განვავითაროთ, ახალი სამუშაო ადგილები შევქმნათ, შევამციროთ სოციალურად დაუცველთა რაოდენობა. ეს ყველაფერი შესაძლებელია მხოლოდ და მხოლოდ ერთობით, ჩვენი ერთსულოვნებით და თანადგომით“, - განაცხადა კალაძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით