სოფლის მეურნეობის სამეცნიერო-კვლევითმა ცენტრმა თბილისში გამართულ საერთაშორისო სამეცნიერო კონფერენციაში -„ეკოლოგიურად სუფთა პროდუქტების წარმოების თანამედროვე ტექნოლოგიები სოფლის მეურნეობის მდგრადი განვითარებისათვის“ - მიიღო მონაწილეობა. 

სოფლის მეურნეობის მეცნიერებათა აკადემიის მიერ ორგანიზებულ საერთაშორისო კონფერენციის მთავარ მიზანს დამსწრე საზოგადოებისთვის სოფლის მეურნეობის მდგრადი განვითარებისთვის ეკოლოგიური პროდუქციის წარმოების მნიშვნელობისა და თანამედროვე ტექნოლოგიების გაცნობა წარმოადგენს.  

კონფერენცია სოფლის მეურნეობის მეცნიერებათა აკადემიის პრეზიდენტმა გურამ ალექსიძემ გახსნა. კონფერენციის მონაწილეებს სოფლის მეურნეობის მინისტრმა ლევან დავითაშვილმა, მინისტრის მოადგილემ იური ნოზაძემ და სსიპ სოფლის მეურნეობის სამეცნიერო-კველვითი ცენტრის დირექტორმა ლევან უჯმაჯურიძემ სიტყვით მიმართეს.

„მსოფლიოში და მათ შორის საქართველოში, სოფლის მეურნეობის მდგრადი განვითარება ქვეყნის ეკონომიკისთვის სასიცოცხლოდ მნიშვნელოვანია. ეკოლოგიურად სუფთა პროდუქტის წარმოება მაღალხარისხიანი პროდუქციის წარმოების სტაბილურობის ზრდის, სასურსათო უსაფრთხოების უვნებლობისა და კონკურენტუნარიანობის ამაღლების წინაპირობაა“, - განაცხადა ლევან დავითაშვილმა.

კონფერენციის მონაწილეებმა დარგობრივად წარმოადგინეს პრეზენტაციები, კვლევები და მოხსენებები ეკოლოგიურად სუფთა პროდუქციის წარმოების თანამედროვე ტექნოლოგიების შესახებ, ასევე, განიხილეს თანამედროვე ტექნოლოგიების როლი სოფლის მეურნეობის მდგრადი განვითარების საკითხში და შედეგებზე იმსჯელეს.

კონფერენციის ფარგლებში, სოფლის მეურნეობის სამეცნიერო-კვლევითმა ცენტრმა, სხვა მწარმოებლებთან ერთად, წარმოადგინა უახლესი ტექნოლოგიით დამზადებული ეკოლოგიურად სუფთა პროდუქტები: ნექტარი, წვენი, დეალკოჰოლიზებული ღვინის სასმელები, მურაბა, კომპოტი, ლიმონათი და გაყინული/მშრალი ხილი. ღონისძიების მიზანს  ქართული პროდუქციის პოპულარიზაცია და მცირე  საწარმოების მხარდაჭერა წარმოადგენდა.  

სამდღიანი პლენარული სხდომების დამთავრების შემდეგ, კონფერენციის მონაწილეები სოფლის მეურნეობის სამეცნიერო-კვლევითი ცენტრის ჯიღაურას ექსპერიმენტალურ ბაზას ესტუმრებიან, სადაც საკოლექციო ვენახებს მოინახულებენ და უნიკალური ქართული ჯიშებისაგან დამზადებულ ქართულ ღვინოს დააგემოვნებენ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით