პრეზიდენტის პრესსპიკერი: არ შეიძლება საარჩევნო კამპანიის მთავარი ღერძი დესტაბილიზაციის საფრთხეზე საუბარი იყოს

2016-09-27 14:41:57, 1230 ნახვა

პოლიტიკა კომენტარი

საქართველოს პრეზიდენტი გიორგი მარგველაშვილი მიიჩნევს, რომ მიმდინარე წლის არჩვენები სამართლიან, მშვიდ და დემოკრატიულ გარემოში უნდა ჩატარდეს.

ამის შესახებ ჟურნალისტებს პრეზიდენტის პრესსპიკერმა ეკა მიშველაძემ განუცხადა.

როგორც მიშველაძემ აღნიშნა, პრეზიდენტის აზრით, ნებისმიერ პოლიტიკურ გაერთიანებში შესაძლოა იყვნენ აგრესიისკენ მიდრეკილი ადამიანები, რომლებსაც საარჩევნო პროცესი უფრო დესტრუქციული ფორმით წარმოუდგენიათ.

„თუმცა ყველაფერი უნდა გაკეთდეს პირველ რიგში სახელმწიფოს მხრიდან, რომ ყოველგვარ აგრესიასა და ძალადობას გაეცეს პასუხი და საარჩევნო პროცესი მშვიდ და სამართლებრივ ჩარჩოში წარიმართოს. არჩევნებამდე დარჩენილ ამ მოკლე დროში არ შეიძლება საარჩევნო კამპანიის მთავარი ღერძი იყოს გაუთავებელი საუბარი დესტაბილიზაციის საფრთხეზე, არ შეიძლება პოლიტიკოსები დებატებზე მხოლოდ ურთიერთბრალდებების ენით საუბრობდნენ. ამ ყველაფერს წერტილი უნდა დაუსვან სამართალდამცავმა უწყებებმა“,-განაცხადა მიშველაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან