„ქართული ოცნების“ მომხრეებისთვის განმარტება მინდა გავაკეთო, წელს სატელეფონო საუბარი მიხეილ სააკაშვილთან  არც მქონია“, - ამის შესახებ „ნაციონალური მოძრაობის“  წევრმა აკაკი ბობოხიძემ  ინტერნეტით გავრცელებულ ფარულ აუდიოჩანაწერთან დაკავშირებით განაცხადა, რომელშიც, სავარაუდოდ ყოფილი პრეზიდენტი მიხეილ სააკაშვილი და „ნაციონალური მოძრაობის“ წევრები  რევოლუციურ სცენარს  განიხილავენ.

„ქართული ოცნების” მომხრეებისათვის მინდა გავაკეთო განმარტება, წელს არც სატელეფონო საუბარი მქონია მიხეილ სააკაშვილთან და წელს არც ამ შემადგენლობით არ ვყოფილვართ ერთდროულად გასული საქართველოდან, სუს-მა შეუძლია ამოიღოს საზღვრის კვეთის საბუთები. მსგავსი საუბარი არ ყოფილა“,-განაცხადა ბობოხიძემ.

ამასთან, ბობოხიძის განცხადებით, 8 ოქტომბერს „ნაციონალურ მოძრაობასაც“ და ივანიშვილსაც მოუწევს, რომ დაემორჩილოს ქართველი ხალხის ნებას.

ბობოხიძემ  „მხატრვრული ფილმი „ნატვრის ხე“ და „ცრუს“ იგავი გაიხსენა.

„მესამე კლასამდე ისწავლება „ცრუს” იგავი, როდესაც ცრუ იძახის მგელი მოდისო და ერთ დღეს მგელი მართლა მოვა, ასევე გავიხსენებდი ბიძინა ივანიშვილის საყვარელი მსახიობის, კახი კავსაძის იორამს „ნატვრის ხიდან“, რევოლუცია მოდის ძახილით რომ დარბის. ბიძინა ივანიშვილი მოწყვეტილია რეალობას”,-დასძინა ბობოხიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში პოლიციის ჩხრეკის დროს პიკასოს მოპარული ნახატი აღმოაჩინეს

ანკარამ ნატოს სამიტის გამო საპროტესტო აქციებსა და დრონების ფრენებზე 13-დღიანი აკრძალვა დააწესა

თბილისის მეტროს პირველ ხაზზე მატარებლების მოძრაობა სრულად განახლდა

სააკაშვილი - თემაში ჩვენი არა კეთილისმოსურნეებიც შემოვარდნენ და დაწერეს მიშა და ბიძინა ერთია, რასაც იტყვიან პარტია ემორჩილებაო