„ქართული ოცნება - დემოკრატიული საქართველოს“ მარტვილი-აბაშის მაჟორიტარი დეპუტატობის კანდიდატი ოთარ დანელია, საქართველოს დევნილთა და განსახლების მინისტრთან სოზარ სუბართან ერთად  მარტვილის მუნიციპალიტეტის სოფლებში მეურნეობასა და დიდი ჭყონში იმყოფებოდა.

ოთარ დანელიამ  მოსახლეობასთან შეხვედრისას  სოფლის მეურნეობაში გატარებულ და დაგეგმილ ღონისძიებებზე გაამახვილა.

„მომდევნო 4 წლის მანძილზე ჩემი მთავარი საზრუნავი იქნება, მაქსიმალურად ხელი შევუწყო მოსახლეობის დასაქმებას. ვიცი, რომ თქვენს სოფელში ოდითგანვე ჩაის კულტურა იყო განვითარებული, დღეს კი განადგურებულია. სამეგრელოს ამ კუთხით, ძალიან დიდი პოტენციალი აქვს, რომელსაც გპირდებით, რომ აუცილებლად გამოვიყენებთ. საქართველო ჩაის იმპორტზე არ უნდა იყოს დამოკიდებული. გარდა ამისა, გავაუმჯობესებთ და გავაფართოვებთ მოქმედ სასოფლო-სამეურნეო პროგრამებს და პირადად ვიზრუნებ სოფლის მეურნეობის ყველა ტრადიციული დარგის ასაღორძინებლად. გულწრფელად გპირდებით, თავს არ დავზოგავ, რომ თქვენი სასახელო დეპუტატი ვიყო საქართველოს პარლამენტში“ - განაცხადა ოთარ დანელიამ.

ყოფილ თანაგუნდელს მიესალმა და წარმატებები უსურვა მოქმედმა მინისტრმა სოზარ სუბარმა.

„ ოთარ დანელიამ დაამტკიცა, რომ ის ნამდვილად იმსახურებს თქვენს მანდატს პარლამენტში. თამამად შემიძლია ვთქვა, რომ ჩვენი ხელისუფლება მომდევნო 4 წელიწადში გააკეთებს იმდენს, რამდენიც უკანასკნელ 25 წელიწადში არ გაკეთებულა. ამის თქმის საშუალებას ჩემი მეგობრის, ოთარის შემართება მაძლევს, რომელიც საქმეზე ორიენტირებული, მიზანდასახული პიროვნებაა. მჯერა, ის აუცილებლად გაიმარჯვებს“,-აღნიშნა სუბარმა.

მაჟორიტარობის კანდიდატმა დიდი ჭყონის მაცხოვრებლებს გზის რეაბილიტაციის, ამბულატორიის შენობისა და ბაგა-ბაღის აშენების პირობაც მისცა.

ადგილობრივებმა ოთარ დანელიას  8 ოქტომბრის საპარლამენტო არჩევნებში მხარდაჭერა აღუთქვეს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს