ევროკავშირის პროექტის ფარგლებში, საქართველოს სასჯელაღსრულებისა და პრობაციის მინისტრი კახა კახიშვილი სამუშაო ვიზიტით მოლდოვას რესპუბლიკას ეწვევა.

სამინისტროს ინფორმაციით, ვიზიტის მიზანს წარმოადგენს აღმოსავლეთ პარტნიორობის მხარდაჭერის ფარგლებში, მოლდოვას შესაბამისი უწყებებისთვის, ჟურნალისტებისა და არასამთავრობო სექტორის წარმომადგენლებისთვის გამოცდილების გაზიარება სისხლის სამართლის მართლმსაჯულების, მათ შორის, პენიტენციის და პრობაციის სფეროებში, ასევე, დემოკრატიული ინსტიტუტებისა და ადამიანის უფლებათა დაცვის მექანიზმების რეფორმის საკითხებში.

მინისტრი დაინტერესებულ წრეებს გააცნობს უკანასკნელ წლებში საქართველოს მართლმსაჯულების, პენიტენციისა და პრობაციის სფეროში გატარებულ იმ ძირეულ რეფორმებს, რამაც დემოკრატიული ინსტიტუტები გააძლიერა და ქვეყანაში ადამიანის უფლებათა დაცვის  მექანიზმები არსებითად გააუმჯობესა. ამასთან, ყურადღება გამახვილდება იმ სირთულეებზეც, რომელთა გადალახვაც რეფორმების პროცესში გახდა საჭირო.

აღნიშნული ვიზიტი ადასტურებს, რომ აღმოსავლეთ პარტნიორობის ფარგლებში, საქართველო არის არა მხოლოდ რჩევების მიმღები და მომხმარებელი, არამედ მზად არის, დაგროვილი გამოცდილება და მიღწეული პროგრესი  აღმოსავლეთ პარტნიორობის სხვა ქვეყნებს გაუზიაროს. 

სასჯელაღსრულებისა და პრობაციის მინისტრის ვიზიტი მოლდოვაში 20-23 სექტემბერს შედგება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს