პარტია „ახალი საქართველოს“ ლიდერის გიორგი ვაშაძის განცხადებით, არჩევნების მოახლოებასთან ერთად მხარეებს შორის დაპირისპირება კიდევ უფრო მძაფრდება.

როგორც ვაშაძემ „ექსპრესნიუსს“ განუცხადა, სამართალდამცავები დაპირისპირებისას ხელისუფლების ინტერესებს იცავენ.

„ნინოწმინდაში გუშინწინაც იგივე პრობლემა იყო ჩვენს მხარდაჭერებთან დაკავშირებით და ისინი იქ სამართალდამცავებმა დაკითხეს. ამიტომ, არჩევნების მოახლოებასთან ერთად დაპირისპირების პრობლემა უფრო მძაფრდება და ეს ჩვენთვის სერიოზული პრობლემაა. ამ კუთხით მთავარი მოქმედი მხარე სამართალდამცავი სტრუქტურები არიან, რომლებიც ხელისუფლებაში მყოფი პარტიის ინტერესებს კი არ უნდა ახორციელებდნენ, არამედ საზოგადოებრივ წესრიგს უნდა იცავდნენ. ძალადობის ფაქტებზე რაგირება არ ხდება და პასუხისმგებლობა ხელისუფლებას ეკისრება“, - განაცხადა ვაშაძემ.

ცნობისთვის, გუშინ ნუგზარ წიკლაურმა ბრიფინგზე აღნიშნა, რომ „ქართული ოცნების“ აქტივისტები თავს დაესხნენ შტაბის თანამშრომელს და ადგილზე ნაცემია ორი ადამიანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს