კახეთის ახლადდანიშნულმა გუბერნატორმა ირაკლი ქადაგიშვილმა პრემიერ-მინისტრ გიორგი კვირიკაშვილს გამოცხადებული ნდობისთვის მადლობა გადაუხადა.

ირაკლი ქადაგიშვილმა  მედიასთან პირველ რიგში შესასრულებელ  ამოცანებზე ისაუბრა:

 „დიდი მადლობა ნდობისათვის. ჩემთვის ეს არის  ძალიან საპასუხისმგებლო სამუშაო. კახეთი გარკვეულწილად ჩემი სამშობლოა.  სხვადასხვა პერიოდში პოლიტიკური კუთხით შეხება მქონია კახეთთან  საარჩევნო კუთხით.ასევე სხვადასხვა პრობლემების გადაჭრის  მხრივ. ასე რომ,  ვფიქრობ, ის გამოწვევა, რომელიც მთავრობის წინაშე დგას, მთელი ჩვენი  ქვეყნის წინაშე დგას, კახეთი,  როგორც ერთ-ერთი ძლიერი, დინამიურად განვითარებადი  კუთხე საქართველოსი, იქნება ერთ-ერთი ავანგარდი ჩვენი ქვეყნის განვითარების საქმეში. ამავდროულად, პირველი რიგის ამოცანებია რთველის წარმატებით ჩატარება, რათა მევენახეებმა სრულად მიიღონ ყველა ის სიკეთე, რასაც რთველისგან ელოდებიან და გატარდეს ბოლომდე ის კურსი, რომ არჩევნები ჩატარდეს, მათ შორის კახეთის  საარჩევნო ოლქებშიც ღიად, თავისუფლად, კონკურენტუნარიან გარემოში, რათა ეს ყველა ამოცანა წარმატებით შესრულდეს“,-აღნიშნა ირაკლი ქადაგიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს