14-15 სექტემბერს კახეთის რეგიონში რამდენიმე სეტყვასაშიში ღრუბლის მასა განეიტრალდა. 
ინფორმაციას სახელმწიფო სამხედრო სამეცნიერო-ტექნიკური ცენტრი „დელტა“ ავრცელებს.

14 სექტემბრის 18:00 საათიდან საგარეჯოს გურჯაანის და ახმეტის რაიონებში დასავლეთიდან ფრონტალური ღრუბლის მასები გავრცელდა. 19:20 საათიდან ღრუბლები ყვარლის, ლაგოდეხის, გურჯაანის და სიღნაღის რაიონების თავზეც გავრცელდა.  20:11 საათისთვის სეტყვის მოსვლის ალბათობამ 80 %-ს მიაღწია, მოსალოდნელი სეტყვის მარცვლების ზომა 10-15 მმ. 

22:00 საათისთვის ღრუბლის მასების გავრცელება ყვარლის და ლაგოდეხის რაიონების ტერიტორიაზეც აღინიშნა.

15 სექტემბრის 01:04 საათიდან ღრუბლის მასებმა ხელმეორე შემოსვლა დაიწყო ყვარელის, თელავის, გურჯაანის და საგარეჯოს რაიონებში.

სეტყვასაშიში ღრუბლების ეტაპობრივი გავრცელება რეგიონში 15 სეტემბრის 03:00 საათამდე გრძელდებოდა. 

14 სექტემბრის 19:43 საათიდან 15 სექტემბრის 03:05 საათამდე ღრუბლების სარაკეტო დამუშავება ეტაპობრივად განხორციელდა. გასროლილ იქნა 60 ერთეულამდე სეტყვასაწინააღმდეგო რაკეტა.  
დამუშავების შედეგად ღრუბლის მასები ზემოთაღნიშნული რაიონების თავზე მთლიანად წვიმის სახით ჩამოიცალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს