თბილისის მერიის კულტურული ღონისძიებების ცენტრის მხარდაჭერით, 2016 წლის 10-დან 17 სექტემბრამდე თბილისის მსახიობ ქალთა გუნდი "ბენეფისი" გასტროლზე იმყოფება თბილისთან დამეგობრებულ გერმანიის ქალაქ ზაარბრუკენში.

თბილისის მერიის ინფორმაციით, 2 სექტემბრიდან გუნდის ხელმძღვანელი კომპოზიტორი ნანა კალანდაძე ხვდება სხვადასხვა გერმანულ გუნდს, რომლებიც დაინტერესებული არიან ქართული სიმღერით და ზოგადად ქართული კულტურით. ზაარბრუკენში მათი მიწვევის ინიციატორი, ცნობილი გერმანელი მომღერალი და ლოტბარი ქალი ამაი შაიბი ქართულ-გერმანულ საკონცერტო პროგრამაზე მუშაობს ნანა კალანდაძესთან ერთად. კონცერტები ტარდება 11, 13 და 16 სექტემბერს.

აღსანიშნავია, რომ თბილისის მსახიობ ქალთა გუნდი კონცერტის გასამართად მიწვეულია ზაარბრუკენის თეატრის სეზონის გახსნაზე, რაც ორმაგად მნიშვნელოვანია ქართველი მსახიობებისათვის.

გერმანელი მუსიკის მოყვარულები კონცერტებზე შეასრულებენ ქართულ სიმღერებს, რომელიც ნანა კალანდაძემ შეასწავლა ვორქშოფებზე.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს