ჩვენ გვაქვს ძალიან კარგი საზღვაო აკადემია, რომელსაც აქვს საერთაშორისო რეგიონული მნიშვნელობა, - ამის შესახებ საქართველოს პრემიერ-მინისტრმა გიორგი კვირიკაშვილმა ბათუმში საქართველოს საერთაშორისო საზღვაო ფორუმის შემდეგ ჟურნალისტებს განუცხადა.

პრემიერის თქმით, საერთაშორისო საზღვაო ფორუმი ძალიან დიდი მნიშვნელობის მატარებელია.

„საქართველო არის საზღვაო ქვეყნა. საქართველო თანდათან იმტკიცებს იმიჯს და იბრუნებს იმ ძალიან დიდი მნიშვნელობას სატრანზიტო ქვეყნის, რომელიც მას ისტორიულად ჰქონდა. საქართველომ 2014 წელს განაახლა საზღვაოსერთიფიკატების საერთაშორისო აღიარება, რაც ძალიან მნიშვნელოვანია საზღვაო განათლებისთვის. ჩვენ გვაქვს ძალიან კარგი საზღვაო აკადემია, რომელსაც აქვს საერთაშორისო რეგიონული მნიშვნელობა და საქართველო ამზადებს უმაღლესი კვალიფიკაციის მეზღვაურებს, რომლებიც 2014 წლიდან მოყოლებული უფლებამოსილი არიან იმუშაონ საერთაშორიო მასშტაბით. დღეს საერთაშორისო საზღვაო ორგანიზაციის გენერალური მდივნის ყოფნა ბათუმში განსაკუთრებულ მნიშვნელობას ატარებს. დღეს რამდენიმე მემორანდუმზე მოეწერა ხელი, რომელსაც ასევე დიდი მნიშვნელობა აქვს საქართველოსთვის“, - განაცხადა გიორგი კვირიკაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა