„ქართული ოცნება-დემოკრატიული საქართველოს” რუსთავის მაჟორიტარი დეპუტატობის კანდიდატები საარჩევნო კამპანიის ფარგლებში შპს “რუსელოისის” ხელმძღვანელობასა და თანამშრომლებს შეხვდნენ.

როგორც რუსთავის 29-ე ოლქის დეპუტატობის კანდიდატმა პაატა მხეიძემ აღნიშნა, სწორედ ასეთი ქარხანა-საწარმოებით დაიბრუნებს რუსთავი თავის მნიშვნელობას, როლს და ეს იქნება უკვე თანამედროვეობას მორგებული ქალაქი, დიდი თუ მცირე საწარმოებით, კიდევ უფრო განვითარებული ინფრასტრუქტურით, რომელიც წვლილს შეიტანს მთელი ქვეყნის ეკონომიკის აღმავლობაში.

 შპს „რუსელოისი“, სადაც ფეროშენადნობი იწარმოება, სრული დატვირთვით მუშაობს. იქ 380-ზე მეტი თანამშრომელია დასაქმებული. ამ ტიპის საწარმოების წახალისება და მათი ხელშეწყობა მაჟორიტარობის კანდიდატებმა მნიშვნელოვან საპროგრამო საკითხად დაასახელეს.

ქვეყნის სწრაფი განვითარების საქმეში მცირე და საშუალო საწარმოების მნიშვნელობაზე ისაუბრა 30-ე ოლქის მაჟორიტარობის კანდიდატმა გიორგი ბეგაძემ.

 „რუსთავი ინდუსტრიის უძველესი კერაა, დიდი სამეწარმეო ტრადიციებისა და კულტურის მქონე ქალაქი. ჩვენი მიზანია, აღვადგინოთ ეს ტრადიცია და რაც შეიძლება მეტი საწარმო გაიხსნას, რაც შეიძლება მეტი ადგილობრივი ინვესტიცია განხორციელდეს, გაჩნდეს რეალური სამუშაო ადგილები, რუსთავში განვითარდეს საწარმოო პოტენციალი“,-აღნიშნა შეხვედრაზე რუსთავის 30-ე ოლქის მაჟორიტარობის კანდიდატმა გიორგი ბეგაძემ. „ქართული ოცნება-დემოკრატიული საქართველოს“რუსთავის მაჟორიტარი დეპუტატობის კანდიდატები ამომრჩეველს ყოველდღიურად ხვდებიან.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა