ევროპულ და ევროატლანტიკურ სტრუქტურებში  ინტეგრაციის საკითხებში სახელმწიფო მინისტრის დავით ბაქრაძის შეფასებით, ამერიკის შეერთებული შტატების  კონგრესის მიერ მიღებული რეზოლუცია, ხაზს უსვამს საქართველოს ტერიტორიულ მთლიანობას და მისი სუვერენიტეტის მნიშვნელობას.

მინისტრის განცხადებით, კონგრესის მიერ მიღებული რეზოლუცია  საქართველოსთვის ძალიან დიდი მხარდაჭერაა.

„ჩვენ მივიღეთ ძალიან დიდი მხარდაჭერა ამერიკის შეერთებული შტატების კონგრესისგან. ეს რეზოლუცია ერთის მხრივ ხაზს უსვამს საქართველოს ტერიტორიულ მთლიანობას, სუვერენიტეტის მნიშვნელობას,   რუსეთის ფედერაციას  მოუწოდებს პატივი სცეს საქართველოს ტერიტორიულ მთლიანობას და ამასთან,  ასევე მოუწოდებს ამერიკის შეერთებული შტატების ხელისუფლებას, რომ ხელი შეუწყოს და გააძლიეროს საქართველო, მისი შესაძლებლობები და მისი ინტეგრაციის პროცესი ევროატლანტიკურ სტრუქტურებში. ხაზგასმით მინდა აღვნიშნო ის მუშაობა, რომლიც საგარეო სრუქტურამ გასწია ამ თვალსაზრისით, რომ ჩვენი მხარდაჭერის მობილიზება და ამერიკის შეერთებული შტატების საქართველოსთან არსებული ფორმატებში, იქნება ეს ქარტია თუ ახლადგაფორმებული სამხედრო თავდაცვის სფეროში ურთიერთობების მემორანდუმის კონტექსტში.  ჩვენ მივიწევთ წინ და ვშლით ახალ ფურცელს ამერიკა- საქართველოს  ურთიერთობებში“,-განაცხადა ბაქრაძემ.

ცნობისთვის, ამერიკის შეერთებული შტატების კონგრესმა, საქართველოს ტერიტორიული მთლიანობის მხარდამჭერ რეზოლუციას, 410 მომხრე 6-ის წინააღმდეგ დაუჭირა მხარი.

დოკუმენტში დაგმობილია რუსეთის მიერ საქართველოს ტერიტორიაზე შემოჭრისა და სამხედრო ინტერვენციის ფაქტი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია