პრემიერმა მუნიციპალიტეტების ხელმძღვანელებს მოუწოდა, საჭიროების შემთხვევაში ერთკვირიანი ტენდერები გამოაცხადონ

2015-03-11 16:30:24, 455 ნახვა

პოლიტიკა

საქართველოს პრემიერ-მინისტრმა ირაკლი ღარიბაშვილმა მუნიციპალიტეტების ხელმძღვანელებს მოუწოდა, საჭიროების შემთხვევაში ერთკვირიანი ელექტრონული ტენდერები გამოაცხადონ.

„მინდა განვიხილო თქვენთან ერთად დოლარის კურსის გამო ტენდერების მიმდინარე ჩავარდნა და სასწრაფოდ ერთობლივი ზომები უნდა მივიღოთ. ვფიქრობ, ამასაც მარტივად მოვაგვარებთ. საჭიროების შემთხვევაში, მე მინდა დაგიდასტუროთ, რომ თქვენ გაქვთ სრული უფლება გამარტივებული ერთ კვირიანი ელექტრონული ტენდერები გამოცხადოთ, ან პირდაპირ შესყიდვის ნებართვა ითხოვოთ. რა თქმა უნდა, პროექტების შესრულებაზე მენარდეები ინტერესებზე და არა მათ დაჯარიმებაზე ფიქრი იქნება აქ მთავარი“, - განაცხადა ღარიბაშვილმა.

მან მუნიციპალიტეტების ხელმღვანელებს მიმართა, რომ რეგიონების განვითარების და სოფლის მხარდაჭერის საბიუჯეტო ფონდების ფარგლებში, პროექტები სამინისტროში დროულად წარადგინონ დასამტკიცებლად და ახალი თანხების გამოსაყოფად.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან