პარტია „ქართული ოცნების“ წევრის თემურ ჭკუასელის განცხადებით, ლანჩხუთისა და ჩოხატაურის ოლქში მაჟორიტარი დეპუტატობის კანდიდატად თავიდანვე ნინო წილოსანი უნდა წარედგინათ.

„პოლიტსაბჭოს სხდომამდე პრემიერ-მინისტრთან მქონდა კონსულტაცია. ჩვენ ვისაუბრეთ და განვიხილეთ ეს საკითხი. მე კანდიდატურა კიარ მოვხსენი, არამედ პრპორციულ სიაში გადავინაცვლე. ნინო წილოსანი თავიდანვე ლანჩხუთისა და ჩოხატაურის ოლქის მაჟორიტარ დეპუტატოის კანდიდატად იყო მოაზრებული. უბრალოდ, მაშინ, როდესაც ოზურგეთში კანდიდატის წარდგენა უნდა მომხდარიყო, რაღაც ხელისშემშლელი ფაქტორები წარმოიშვა. ამის გამო, მე დამირეკეს და მთხოვეს, რომ ვყოფილიყავი მაჟორიტარი დეპუტატობის კანდიდატი. შემდეგ, ეს ყველაფერი გამოსწორდა და დავუბრუნდი სიას“, - განაცხადა „ექსპრესნიუსთან“ საუბრისას ჭკუასელმა.

 „ქართული ოცნების“ პოლიტსაბჭოს წევრი  მანანა კობახიძე ადასტურებს, რომ პოლიტსაბჭოზე ლანჩხუთისა და ჩოხატაურის ოლქის მაჟორიტარი დეპუტატობის კანდიდატად თემურ ჭკუასელის ნაცვლად ნინო წილოსანის დასახელების საკითხი განიხილეს.

„პოლიტსაბჭოში გუშინ იყო ამ საკითხის განხილვა. თავდაპირველად, ლანჩხუთისა და ჩოხატაურის ოლქში ჩვენი მხრიდან მაჟორიტარი დეპუტატობის კანდიდატად ნინო წილოსანზე იყო საუბარი. თუმცა, შემდეგ ამ ოლქში თემურ ჭკუასელი დავასახელეთ. თუმცა, ახლა კვლავ მოხდა ჩანაცვლება და ბატონი თემური სიაში იქნება. მე ზუსტი დეტალები არ ვიცი, როგორც ჩანს პრემიერსა და  ბატონ თემურ ჭკუასელს შორის ამ თემაზე პოლიტსაბჭოს სხდომამდე იყო საუბარი“, - განუცხადა „ექსპრესნიუსს“ კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია