რამდენიმე დღის წინ გამოქვეყნებული დანაშაულის ინდექსის მხრივ საქართველო პროგრესის გზაზეა, - ამის შესახებ საქართველოს იუსტიციის მინისტრმა თეა წულუკიანმა ჟურნალისტებს განუცხადა.

როგორც წულუკიანმა აღნიშნა, ბოლოს გამოქვეყნებული რეიტინგებით, საქართველოს დანაშაულთან ბრძოლის სფეროში მსოფლიოში მესამე წარმატებულ ქვეყანად დასახელდა. 

„თუ ჩავხედავთ სულ რამდენიმე დღის წინ გამოქვეყნებულ მსოფლიო რეიტინგს, ჩვენ ვნახავთ, რომ საქართველოში დანაშაულის ინდექსის მხრივ არის პროგრესის გზაზე. ამით ყველაფერია ნათქვამი. რაც შეეხება სტატისტიკას, ჩვენ ვართ ქვეყანა, სადაც ტერორისტული აქტები კი არ ხდება, არამედ ხდება მათი აღკვეთა წინასწარ. ამისათის მუხლჩაუხრელად მუშაობს სახელმწიფო უსაფრთხოების სამსახური. ჩემთვის აბსოლუტურად მიუღებელია ამ და სხვა ძალოვანი სტრუქტურების კრიტიკა და დისკრედიტაცია“, - განაცხადა წულუკიანმა.

წულუკიანის თქმით, გუშინ მომხდარი დანაშაული შსს-მ ცხელ კვალზე გახსნა, რაც მისასალმებელია.

„უნდა გამკაცრდეს თუ არა სისხლის სამართლის პოლიტიკა? არ ვფიქრობ ასე. რადგან ის უკვე არის მკაცრი. თუმცა, უფრო მეტი ფუნქცია უნდა მიეცეს პრევენციის ღონისძიებებს. როდესაც მე ძალიან ბევრს ვსაუბრობდი იარაღით ჩადენილ დანაშაულთან დაკავშირებით, მაშინ  ბევრი ოპონენტი მაკრიტიკებდა. ჩვენ უნდა ჩამოვყალიბდეთ, რა გვირჩევნია - იარაღისგან და ძალადობისგან თავისუფალი სამოქალაქო საზოგადოება, თუ ადამიანები, რომლებსაც შეუძლიათ, ატარონ იარაღი და გამოიყენონ ის არა ნადირობისთვის, არამედ კაცის კვლისთვის“, - განაცხადა წულუკიანმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია