„საქართველოს პატრიოტთა ალიანსის“ თბილისის მაჟორიტარი დეპუტატობის კანდიდატები კახა კუკავა, ირაკლი ლატარია, გია ბერძენიძე და მამუკა ტუსკაძე დედაქალაქის მერს მიმართავენ.

ისინი ხვალ  10:30 საათზე  ყველა იმ უბნის წარმომადგენლებს მოუწოდებენ შეიკრიბონ თბილისის მერიასთან, რომელთა უბანსაც გარკვეული ინფრასტრუქტურული პრობლემები აქვს.

მათი განცხადებით, დედაქალაქის ბიუჯეტში ორი კვარტლის მონაცემებით  გაუხარჯავი  22 მილიონი ლარია.

როგორც ბრიფინგზე „პატრიოტთა ალიანსის“ თბილისის მაჟორიტარი დეპუტატობის კანდიდატმა  კახა კუკავამ აღნიშნა, დედაქალაქის ბიუჯეტიდან თანხები არადანიშნულებისამებრ იხარჯება.

„პატრიოტთა ალიანსის თბილისის მაჟორიტარი  დეპუტატობის კანდიდატებმა  როგორც პარლამენტის ასევე საკრებულოში,   გვინდა ერთობლივად მივმართოთ თბილისის მერს.   გასული თვეების მანძილზე რაც ჩვენ დავიწყეთ საარჩევნო კამპანია  შეხება მოგვიწია უამრავ  სოციალურ და კომუნალურ პრობლემებთან. მაგალითად,  ჩემს საარჩევნო ოლქში 21 საუკუნეში, მუხიანში,   კანალიზაციის, წყლის, სანიაღვრის  არხების გარეშე  არის მოსახლეობა. მოსახლეობას არავინ არ ეკითხება სკვერი და სტადიონი უფრო ურჩევნია თუ რომელიღაცა სპორტული ცენტრის მშენებლობა“,-აღნიშნა კუკავამ.

ამასთან, კუკავას  განცხადებით,  აღნიშნული 22 მილიონი  დავით ნარმანიას უჯრაში დევს და არ აქვს დანიშნულება.

„მილიონობით ლარი ქალაქის ბიუჯეტიდან  და ადგილობრივი ბიუჯეტიდან იხარჯება არადანიშნულებისამებრ.  ყველაზე უფრო მწვავე პრობლემების მოსაგვარებლად, როდესაც ჩვენ წერილობით მივმართეთ  ჩვენი რაიონის გამგებლებს, ჩვენ გვეუბნებიან, რომ ბიუჯეტში არ არის თანხა.  გადავამოწმეთ ეს ინფორმაცია და თბილისის  ბიუჯეტის ორი კვარტლის მონაცემებით, დედაქალაქის ბიუჯეტში არის 22 მილიონი გაუხარჯავი თანხა. 22 მილიონი, რომელიც დევს, სადღაც დავით ნარმანიას უჯრაში და არ აქვს დანიშნულება. იმ დროს როდესაც, ამ თანხით შეიძლება დაიგოს კილომეტრობით გზა, გაყვანილი იქნას კანალიზაცია და  სანიაღვრე არხები.  ამიტომაც ჩვენ მოვუწოდებთ თბილისელებს, ბრძოლის გარეშე არაფრის მიღწევა არ შეიძლება. ხვალ 10:30 ნახევარზე შევიკრიბოთ თბილისის მერიასთან, თბილისის ყველა იმ  უბნის წარმომადგენლები, რომელთა უბანსაც აქვს გარკვეული ინფრასტრუქტურული პრობლემები და მოვითხოვოთ ჩვენ ჩვენი წილი ამ 22 მილიონი გაუხარჯავი საბიუჯეტო სახსრებიდან. თუ ჩვენ არ მოვითხოვთ ამ 22 მილიონს აუცილებლად ამ თანხით დაფინანსდება რომელიღაცა კონცერტი, ჩამოიყვანენ ისევ რომელიღაცა აგილერას ან უილიამს.  ამ 22 მილიონის სწორად განაწილებაზე ჩვენ მათ წარვუდგენთ ჩვენი უბნების მიხედვით შესაბამის წინადადებებს. ხოლო თუ არ დაგვეთანხმება მერი  მაშინ, ჩვენ მზად ვიქნებით ყველანაირი გამწვავებისთვის“,-დასძინა კუკავამ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია