,,ქართული ოცნება-დემოკრატიული საქართველოს“ რუსთავის მაჟორიტარი დეპუტატობის კანდიდატები წინასაარჩევნო კამპანიის ფარგლებში ცენტრალური საავადმყოფოს ექიმებს შეხვდნენ. პაატა მხეიძისა და გიორგი ბეგაძის შეხვედრა რუსთავის ცენტრალური საავადმყოფოს მედპერსონალთან კითხვა-პასუხის რეჟიმში წარიმართა.

 შეხვედრაზე მხარეებმა ჯანდაცვის სფეროში არსებულ მიღწევებსა და ხარვეზებზე ისაუბრეს. დეპუტატობის კანდიდატებმა ექიმებს საკუთარი პროგრამა და ხედვები გააცნეს, მანდატის მოპოვების შემთხვევაში კი, ჯანდაცვის სფეროში არსებული პრობლემების მოგვარებას დაპირდნენ.

 რუსთავის 29-ე ოლქის მაჟორიტარობის კანდიდატმა პაატა მხეიძემ ყურადღება გაამახვილა საავადმყოფოში ბოლო პერიოდში განხორციელებულ ინფრასტრუქტურულ ცვლილებებზე. როგორც მაჟორიტარი დეპუტატობის კანდიდატებმა განაცხადეს, ბოლო ოთხი წლის განმავლობაში ჯანდაცვის სფეროში უპრეცედენტო პროგრამები განხორციელდა.

,,ჩვენი შეხვედრა  გაცნობითი ხასიათის იყო. ვისაუბრეთ საკუთარ ხედვებსა და პრიორიტეტებზე. ჯანდაცვის მიმართულებით ბოლო ოთხი წლის განმავლობაში ისეთი მნიშვნელოვანი პროექტები განხორციელდა, როგორიცაა საყოველთაო დაზღვევა, c ჰეპატიტის ელიმინაციის პროგრამა, ადამიანებს უფინანსდებათ და უკეთდებათ სიცოცხლისთვის საჭირო ძვირადღირებული ოპერაციები. ჩვენი მიზანია ჯანდაცვის სფეროს კიდევ უფრო გაძლიერება. ჩემთვის უმნიშვნელოვანესია, რომ ეს ადამიანები იყვნენ დაფასებულები, რათა ყოველთვის იზრუნონ ჩვენი თანაქალაქელების ჯანმრთელობაზე. თანამედროვე რუსთავის მშენებლობაში მათი, ისევე როგორც სხვა სფეროს წარმომადგენლების ხედვები  უმნიშვნელოვანესია“, - განაცხადა გიორგი ბეგაძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია