ბიძინა ივანიშვილის დღევანდელი განცხადება კიდევ ერთხელ ადასტურებს, რომ ჩვენს გაერთიანებას არჩევნებზე ყველა მთავარ კონკურენტად აღიქვამს, - ასე შეაფასა „ექსპრესნიუსთან“ საუბრისას პარტია „ჩვენი საქართველოს“ თავმჯდომარემ გიორგი ვაშაძემ ყოფილი პრემიერის განცხადება.

„მე ვფიქრობ, რომ ჩვენს გაერთიანებას არჩევნებზე ყველა ძირითად კონკურენტად მიიჩნევს. ამასთანავე, ყველა ცდილობს, რომ ამ კონკურენტს ნეგატიური ჩარჩო მიაკეროს და სულ იმას ამბობენ, რომ ვიღაცის სატელიტები ვართ. ყველას მინდა ვუთხრა, რომ ჩვენ ვართ აბსოლუტურად დამოუკიდებელი გაერთიანება და ეს ორივე მხარეს აცოფებს. საარჩევნო კამპანიის კუთხით, ჩვენ ჩვენი განრიგი გვაქვს და დარწმუნებული ვარ, რომ ამ არჩევნებზე სერიოზული შედეგი გვექნება. ივანიშვილის განცხადება მიუთითებს, რომ ჩვენ ერთ-ერთი მთავარი პოლიტიკური ძალა ვართ, რომელსაც 8 ოქტომბერს გამარჯვება შეუძლია“, - განაცხადა ვაშაძემ.

შეგახსენებთ,  დღეს ტელეკომპანია “GDS”-ის გადაცემაში ბიძინა ივანიშვილმა განაცხადა, რომ „მმართველი გუნდის მთავარ კონკურენტად, მაინც, „ნაციონალური მოძრაობის“ ორი ფრთა იკვეთება - ბურჭულაძის გაერთიანება და მეორე, თავად „ნაციონალური მოძრაობა“. ვფიქრობ, რომ მთავარი „ნაციონალური მოძრაობა“ სწორედ ბურჭულაძის გაერთიანებაა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია