კახეთის რეგიონში, დედოფლისწყაროს მუნიციპალიტეტში რთველი დაიწყო. 27 აგვისტოს მონაცემებით, აღნიშნულ რაიონში მოსახლეობისგან ყურძენს 2 ღვინის საწარმო იბარებს და 72 ტონა ყურძენია გადამუშაშავებული.

როგორც "ექსპრესნიუსს" სოფლის მეურნების სამინისტროდან აცნობეს, გადამუშავებული ყურძნიდან 11 ტონა რქაწითელი, 19 ტონა საფერავი, დანარჩენი კი სხვადასხვა ჯიშის ყურძენია. ღვინის კომპანიებში ყურძნის რეალიზაციის შედეგად მევენახეებმა შემოსავლების სახით 73 ათას ლარი მიიღეს.

რთველის საკოორდინაციო შტაბის ხელმძღვანელმა, ღვინის ეროვნული სააგენტოს თავმჯდომარემ გიორგი სამანიშვილმა, შტაბის წევრებმა და ადგილობრივი სამხარეო ადმინისტრაციის წარმომადგენლებმა ყურძნის კრეფის პროცესის დაწყებამდე შეხვედრები დედოფლისწყაროს იმ სოფლების მოსახლეობასთან გამართეს, სადაც ყურძნის სიმწიფე საჭირო კონდიციამდეა მისული.

მთლიანად კახეთის რეგიონში გადამუშავებულია 1,3 ათას ტონამდე ყურძენი. მევენახეების შემოსავლებმა 916 ათას ლარს მიაღწია.
 
მიმდინარე წელს კახეთში მოსალოდნელია 200 ათას ტონამდე ყურძნის მოსავალი, საიდანაც, წინასწარი პროგნოზით მოხდება 150 ათას ტონამდე ყურძნის სამრეწველო გადამუშავება. რთველის პროცესში ჩაერთვება 100-მდე ღვინის კომპანია. რთველის საკოორდინაციო შტაბში ამ დროისთვის უკვე დარეგისტრირებულია 30 ღვინის კომპანია.

2016 წლის რთველის პროცესში, ყურძნის მოსავლის რეალიზაციის ხელშეწყობის მიზნით, საქართველოს მთავრობის გადაწყვეტილებით, ღვინის კომპანიებისთვის ყურძნის ჩამბარებელ ფიზიკურ პირებზე გაიცემა სუბსიდია შემდეგი ოდენობით:
კახეთის  რეგიონში
•           1 კგ. რქაწითელისათვის - 0,45 ლარი;
•           1 კგ. კახური მწვანისათვის - 0,45 ლარი;
•           1 კგ. საფერავისათვის - 0,20 ლარი;
 
რაჭა-ლეჩხუმისა და ქვემო-სვანეთის რეგიონში:
•           მუჯურეთული/ალექსანდროული - 2 ლარი
ჩაბარებული ყურძნის საფასურს ყურძნის ჩაბარებიდან 15 სამუშაო დღის შემდეგ „ლიბერთი ბანკის" ფილიალებსა და სერვის ცენტრებში მხოლოდ პირადობის მოწმობის წარდგენის საფუძველზე მიიღებს.

დაინტერესებულ პირებს რთველთან დაკავშირებული ინფორმაციის მიღება შეეძლებათ სოფლის მეურნეობის სამინისტროს ცხელი ხაზზე - 1501.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა