2016-08-24 17:08:32, 915 ნახვა
საზოგადოება
კრწანისის გამგეობამ კოტე აფხაზის №43-ში ორასი წლის კულტურული მემკვიდრეობის ძეგლის რეაბილიტაცია დაიწყო
დედაქალაქს კიდევ ერთი ისტორიული შენობა შეუნარჩუნდება.
კრწანისის გამგეობამ, კოტე აფხაზის №43-ში, მწვავედ ავარიული ორასი წლის კულტურული მემკვიდრეობის ძეგლის რეაბილიტაცია დაიწყო.
სარეაბილიტაციო სამუშაოებს კრწანისის გამგებელი, გიორგი კოპალეიშვილი, სახლის მობინადრეებთან ერთად გაეცნო.
გამგეობის ცნობით, ორსართულიანი ნაგებობა, რომელიც იმდროინდელი თბილისური არქიტექტურის ერთ-ერთი თვალსაჩინო ნიმუშიაა, 1800-იანი წლების I ნახევარს განეკუთვნება. გამგეობის მიერ თანადაფინანსებული პროექტის ფარგლებში, კაპიტალურად გამაგრდება სახლის საძირკველი, პირვანდელი სახით აღდგება ხის შუშაბანდი, რომელიც რესტავრაციის ჩასატარებლად შენობიდან მოიხსნა. ასევე, განახლდება ეზოს თაღოვანი გალავანი. ძეგლის რეაბილიტაცია მომავალი წლისთვის დასრულდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
