თბილისის საქალაქო სასამართლო ამწუთებში ტერორისტული აქტის საქმეზე  ბრალდებულების  მიმართ აღკვეთის ღონისძიების შეფარდების საკითხზე მსჯელობს. პროკურატურა მათთვის წინასწარი პატიმრობის გამოყენებას ითხოვს. პროცესს არ ესწრება ერთ-ერთი ბრალდებული  ბექა ბექაური, რომელიც დაკავების დროს მიღებული დაზიანებების გამო, საავადმყოფოში იმყოფება. ადვოკატის ინფორმაციით, მისი ჯანმრთელობის მდგომარეობა მძიმეა. ბექაური ბრალს აღიარებს.

"თავის ქალა აქვს ჩამტვრეული. დაკავების მომენტში აქვს მიღებული დაზიანებები",-აღნიშნა ადვოკატმა  მაია ჭრელაშვილმა.

შეგახსენებთ, სუს-მა ტერორისტული აქტის ჯგუფურად მომზადებისათვის და ტერორისტული მიზნით ცეცხლსასროლი იარაღის, საბრძოლო მასალისა და ფეთქებადი ნივთიერებების მართლსაწინააღმდეგო შეძენა-შენახვა, ტარებისა  და ამავე დანაშაულის ჩადენაში დახმარების    ფაქტზე, საქართველოს 5 მოქალაქე მოქალაქე დააკავა.

გარდა ამისა,  სამსახურებრივი უფლებამოსილების გადამეტების ფაქტზე დაკავებულია საპატრულო პოლიციის მოქმედი თანამშრომელი, ხოლო დანაშაულის შეუტყობინებლობის ფაქტზე საქართველოს ერთი მოქალაქე.

გამოძიების ინფორმაციით,  დასახელებული პირები სოფელ საგურამოს მიმდებარე ტერიტორიაზე, მდინარე არაგვზე გამავალი რუსეთ-სომხეთის დამაკავშირებელი გაზსადენი მილის ღია მონაკვეთის აფეთქებას ამზადებდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება