ექსპერტი რამაზ საყვარელიძე ნინო ბურჯანაძისა და საქართველოს სხვა  მოქალაქეების  ინიციატივას,  რომელიც კონსტიტუციაში უბლოკო სტატუსის ჩაწერას ითვალისწინებს, უარყოფითად აფასებს. უბლოკო სტატუსის ჩაწერა - ეს ნიშნავს,  კონსტიტუციურად აუკრძალონ საქართველოს ევროპული და ევროატლანტიკური ინტეგრაცია. საყვარელიძის თქმით, კონსტიტუციაში  იმის ჩაწერა, რაც  დროში ცვლილებაზეა დამოკიდებული, თავისთავად არაკონსტიტუციურია. საყვარელიძე ფიქრობს, რომ კონსტიტუციაში აღნიშნული ჩანაწერის  გაკეთება, მომავალი თაობების გაწირვა იქნება.

"ინიციატივას უარყოფითად ვაფასებ. კონსტიტუცია გარკვეული დროის დოკუმენტი არ არის. ის გადის გეოპოლიტიკური  ორიენტაციების ფარგლებიდან. ინგლისელებს აქვთ  გამოთქმა-არ გვყავს მტერი და არ გვყავს მეგობარი, ჩვენ გვაქვს ინტერესებიო. ევროპული ღირებულებების დაკანონება, პროგრესული ყველაფერის დაკანონება, უდავოდ მიზანშეწონილია, ეროვნული ღირებულებების განმტკიცება მიზანშეწონილია. უბლოკო იქნები, თუ ბლოკიანი, ამის კონსტიტუციში შეტანა ნამდვილად არ მეჩვენება მიზანშეწონილად. შვეიცარია ნეიტრალური ქვეყანა იყო და დღეს ნატო-ს ბლოკში მიიწევს იმიტომ, რომ პოლიტიკური სიტუაცია შეიცვალა და   შეიძლება ხელსაყრელი  აღარ იყოს  მისთვის  ნეიტრალური სტატუსი. რაც დროში ცვალებადია, დამოკიდებულია დროში ცვლილებაზე, იმის კონსტიტუციაში შეტანა, თავისთავად არაკონსტიტუციურია",-განაცხადა რამაზ საყვარელიძემ "ექსპრესნიუსთან" საუბარში.

საყვარელიძე ასევე უარყოფითად აფასებს პარლამენტის თავმჯდომარის ინიციატივასაც, რომელიც უბლოკო სტატუსის მინიჭების მომხრეთა საწინააღმდეგო კანონპროექტის შემუშავებას გულისხმობს. კერძოდ, უსუფაშვილის ინიციატივაა, საქართველოს კონსტიტუციის პრეამბულაში, იქ, სადაც საუბარია იმაზე, თუ რა სურს ქართველ ხალხს, რისთვის სჭირდება მას სახელმწიფო, დაემატოს ფრაზა: „დავიმკვიდროთ სრულფასოვანი ადგილი დემოკრატიული სახელმწიფოების უსაფრთხოებისა და თანამშრომლობის ევროატლანტიკურ სისტემაში".

თუმცა, საყვარელიძე მიიჩნევს, რომ დავით უსუფაშვილის ინიციატივა  უფრო ახლოსაა მომავალი თაობების ზრუნვასთან, უბლოკო სტატუსის ჩაწერა კი, მომავალი თაობების გაწირვაა:

"რადგან შენ,  კონკრეტულ პარტიას, რაც მიგაჩნია სწორად, შემდეგ ისე უნდა იცხოვროს მთელმა ქვეყანამ",-აღნიშნა რამაზ საყვარელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა