საპარლამენტო უმცირესობის წევრის დავით დარჩიაშვილის განცხადებით, ეკა ბესელია და გედევან ფოფხაძე საკონსტიტუციო სასამართლოს ხელში ჩაგდების გზაზე ბიძინა ივანიშვილის მებაირაღეები არიან.

როგორც დარჩიაშვილმა „ექსპრესნიუსს“ განუცხადა, საკონსტიტუციო სასამართლო ერთ-ერთი ფარია, რომ ადამიანები სახელმწიფოს ძალმომრეობისგან დაიცვას.

 „გედევან ფოფხაძე და ეკა ბესელია - ეს პიროვნებები და ზოგადად, საკონსტიტუციო სასამართლოსთან დაკავშირებული მოვლენები ბიძინა ივანიშვილის სახელს უკავშირდება, რომელსაც  გავლენის ყველა ბერკეტის საკუთარ ხელში მოქცევა სურს. სასამართლოს დიდი ხანია ებრძვიან. ამ ბრძოლას სასამართლო ხელისუფლების დამოუკიდებლობისთვის ბრძოლას და ა.შ. არქმევენ. თუმცა, რეალურად, როდესაც კონკრეტულ მუხლებს განვიხილავთ თუ როგორ მიიღეს ეს კანონები -  გაზაფხულზე საღამოს 11 საათზე კომიტეტის სხდომას რომ გამართვენ, მეორე დღეს კანონს რომ მიიღებენ და ვენეციის კომისიას არაფერს აცნობებენ - ეს ყველაფერი აჩვენებს თუ ვის სურს სასამართლო ხელისუფლების პოლიტიკური დაქვემდებარება. ამ საქმის მებაირაღეები კი ეს ქალბატონი და ეს ვაჟბატონი არიან. საკონსტიტუციო სასამართლო ერთადერთი თუ არა, ერთ-ერთი ფარია, რომ ადამიანები სახელმწიფოს ძალმომრეობისგან დაიცვას“, - აცხადებს დარჩიაშვილი.

შეგახსენებთ, რომ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელია და მისი მოადგილე გედევან ფოფხაძე ქართულ საზოგადოებას და საქართველოში აკრედიტებულ დიპლომატიურ კორპუსს მიმართავენ.

როგორც მიმართვაშია ნათქვამი, მათი განცხადების მიზანია ქართულ საზოგადოებასა და საერთაშორისო თანამეგობრობას კიდევ ერთხელ აჩვენონ ”ნაციონალური მოძრაობის” სახე, ამჯერად მის მიერ საკონსტიტუციო სასამართლოს პოლიტიკურ იარაღად გამოყენების მცდელობის მაგალითზე”.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა