საქართველოს პრეზიდენტი გიორგი მარგველაშვილი ამომრჩევლის გააქტიურების მიზნით, დღეიდან საარჩევნო კამპანიას იწყებს.

როგორც მარგველაშვილმა „მაესტროს” ღამის ეთერში განმარტა, კამპანია არც ერთი პოლიტიკური პარტიის მხარდასაჭერი არ იქნება.

„ერთ-ერთი მნიშვნელოვანი პოლიტიკური გამოცდილება ჩემთვის არის არჩევნების დემოკრატიულად ჩატარება. დემოკრატიის ერთ-ერთი ძირითადი მაჩვენებელი და განმსაზღვრელი ამომრჩევლის აქტიურობაა, ამიტომ ვიწყებ კამპანიას, რომელიც ორგანიზებულია და ორიენტირებულია ამომრჩევლის გასააქტიურებლად. ეს არ იქნება არც ერთი პოლიტიკური პარტიის მხარდასაჭერი კამპანია. ეს იქნება ახალგაზრდების კამპანია, რომ ჩვენ შევძლოთ და გამოვიყვანოთ რაც შეიძლება მეტი ამომრჩეველი. როგორც ჩანს, ყველაზე პასიური ამომრჩეველი 18-დან 35-წლამდე ამომრჩეველია და სწორედ ამ სეგმენტის გააქტიურება მინდა. რიგები საარჩევნო ყუთებთან, ქართული დემოკრატიის გარანტიაა”, - აღნიშნა პრეზიდენტმა.

გიორგი მარგველაშვილმა წინასაარჩევნო გარემოზეც ისაუბრა:

„ახლა თვისობრივად უკეთესი საარჩევნო გარემოა. კორცხელთან დაკავშირებით, რომელზეც არაერთხელ გავაკეთე განცხადება, მაწუხებს არა მხოლოდ სამართალდარღვევა, არამედ სამართალდარღვევაზე რეაგირება. 2012 წელს კორცხელი იყო ყოველდღე. მუდმივად ხდებოდა მედიის შეზღუდვა, მუდმივად ხდებოდა აგრესიის გამოვლენა, რაც სამწუხაროდ მაშინ პოლიტიკოსებში იყო”, - განაცხადა მარგველაშვილმა.

მისივე თქმით, 2012 წელს შეიქმნა ჯგუფი, რომელიც მოწოდებული იყო მიხეილ სააკაშვილის რეჟიმის შესაცვლელად, ახლა კი, „ამომრჩეველი ირჩევს არა ვიღაცის შესაცვლელად, არამედ ვიღაცის ასარჩევად“.

”ჩვენ ვიყავით გაერთიანებულები ვიღაცის შესაცვლელად. ეს ადეკვატურიც იყო, რადგან საჭირო იყო დიდი ეფექტური გაერთიანება თავისი ლიდერით. წელს აღარ გვაქვს არჩევნები ვიღაცის წინააღმდეგ. ჩვენ გვაქვს პოლიტიკური სპექტრი, რომელიც თავის საარჩევნო პოზიციაზე დგას და ეს არ არის ორპოლუსიანი არჩევნები. აქ მარტო „ქართული ოცნება” და „ნაციონალები” აღარ ებრძვიან ერთმანეთს. აქ არის „ქართული ოცნება”, რომელსაც სერიოზული შესაძლებლობები აქვს, აქ არის „ნაციონალური მოძრაობა”, აქ არიან სხვა პარტიები - „თავისუფალი დემოკრატები”, ბურჭულაძის პარტია. მოთამაშეები გვაძლევენ საშუალებას ავირჩიო რომელია ჩემთვის მისაღები, შევხედო როგორ ისაუბრებენ კონკრეტულ თემატიკაზე, რას გვეტყვიან საგარეო პოლიტიკურ კურსზე. ჩვენ ვირჩევთ არა ვინმეს წინააღმდეგ, არამედ - ვიღაცას”, - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა