„არ შეიძლება ასეთი ტიპის დანაშაული, რაც 8 წლის წინ მოხდა საქართველოში,ეთნიკური წმენდა, დაუსჯელი დარჩეს“,-ამის შესახებ თავდაცვის ყოფილმა მინისტრმა თინა ხიდაშელმა მუხათგვერდის სასაფლაოზე განაცხადა.

ხიდაშელი ფიქრობს, რომ აგვისტოს ომის მნიშვნელობა გაცილებით დიდი და ის ერის, ქვეყნის, ამომრჩევლის გაერთიანების დღე უნდა იყოს.

„არ შეიძლება ასეთი  ტიპის დანაშაული, რაც 8 წლის წინ მოხდა საქართველოში, ეთნიკური წმენდა, ყველა პარამეტრით საერთაშორისო ომის დანაშაულების მთელი კასკადი იყო, რჩებოდეს დაუსჯელი, იმის მიუხედავად, დიდია ქვეყანა თუ პატარა და მხოლოდ იმიტომ, რომ დიდ, სუპერსახელმწიფოზე გვაქვს საუბარი, დაუსჯელი დარჩეს. თუმცა მე ვფიქრობ, რომ 8 აგვისტოს მნიშვნელობა გაცილებით დიდია და ის ერის, ქვეყნის, ამომრჩევლის გაერთიანების დღე უნდა იყოს. დღე, როდესაც ჩვენ ყველანი ერთად 8 აგვისტოს გამო და არამხოლოდ, სამწუხაროდ ესეთი დღეები ჩვენს ისტორიაში ძალიან ბევრია, მაგრამ 8 აგვისტოს გამოც უარს ვეტყვით ერთხელ და სამუდამოდ ოკუპაციას იქ სადაც შეგვიძლია, იქ სადაც შეგვიძლია ამაზე სწრაფი და ეფექტური პასუხის გაცემა. ყველაზე მარტივი არის საარჩევნო ყუთები, სადაც შეგვიძლია არა ვუთხრათ ოკუპაციას და იმ ძალებს, ვინც დღესაც ბედავენ და გვეუბნებიან, რომ ჩვენ გავაბრაზეთ რუსეთი, თორემ არაფერი მოხდებოდა“,-განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა