ექსპერტის სამხედრო საკითხებში, ვახტანგ მაისაიას განცხადებით, ლევან იზორია წინა თავდაცვის მინისტრებთან შეადარებით, უკეთესი კადრია.

როგორც მაისაიამ „ექსპრესნიუსს“ განუცხადა, მიუხედავად იმისა, რომ იზორია უსაფრთხოების სამსახურში მუშაობდა, „ნაკლებად არის ჩეკისტური აზროვნებით გაფუჭებული“.

„ლევან იზორია დროებითი ფიგურაა, რომელიც ეცდება თავდაცვის სამინისტრო არჩევნებამდე მიიყვანოს და მერე უწყება რეალურ მმართველს გადააბაროს. მე, პირადად, არ მივესალმები ჩეკისტების კადრების  ალასანიას, ჯანელიძესა თუ იზორიას თავდაცვის მინისტრად დანიშვნას. თუმცა, ჩემი აზრით, იზორია წინა ორ მინისტრთან შედარებით უფრო კარგი კადრია. იზორია ნაკლებად არის ჩეკისტური აზროვნებით „გაფუჭებული“, რაც მნიშვნელოვანი გარემოებაა. ახალი თავდაცვის მინისტრი კარგი იურისტია და სხვათა შორის, სახელმწიფო უშიშროების სამსახურში ანტიკორუფციულ სააგენტოს კურირებდა. როგორც ჩანს, თავდაცვის სამინისტროში იყო ისეთი საქმეები, რომლის გამოძიებაც იზორიას მოუწევს. პრემიერ-მინისტრის სიტყვებმა დამაფიქრა, რომელმაც განაცხადა, რომ უნდა მოხდეს არმიის დეპოლიტიზაცია, როგორც ჩანს, იზორიას ეს დავალებაც ექნება“, - განაცხადა მაისაიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა