2016-07-29 12:05:20, 738 ნახვა
პოლიტიკა
კვლევის თანახმად, გამოკითხულთა უმრავლესობა „ნაციონალურ მოძრაობას“ ხმას არასოდეს მისცემდა
NDI-ის მიერ ჩატარებული კვლევის თანახმად, კითხვაზე რომელ პარტიას არ მისცემდით ხმას არასოდეს, გამოკითხულთა უმრავლესობა - 21% „ნაციონალურ მოძრაობას“ ასახელებს.
აღსანიშნავია, რომ კვლევის მიხედვით, გამოკითხულთა 21%-მა კითხვაზე პასუხი არ იცის, ხოლო 19% „ქართულ ოცნებას“ არ მისცემდა არასდროს ხმას.
გამოკითხულთა 15%-ისთვის ასეთი პარტია არ არსებობს. 4-4% „ლეიბორისტულ პარტიას“ და „გაერთიანებულ დემოკრატიულ მოძრაობას“ აქვთ, ხოლო 2-2% აქვს „პატრიოტთა ალიანსს“ და „რესპუბლიკურ პარტიას“.
ცნობისთვის, კვლევის საველე სამუშაოები 8 ივნისიდან 6 ივლისის პერიოდში ჩატარდა. საქართველოს მასშტაბით, 4 113 პირისპირ ინტერვიუს წარმომადგელობითი შერჩევის საფუძველზე. გამოკითხვის საშუალო ცდომილების ზღვარი +/-2.1%-ია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან