ექსპერტი პოლიტიკის საკითხებში სოსო ცინცაძე საქართველოში ორი რუსი დუმის დეპუტატის იგორ მოროზოვისა და ვლადიმერ სიმაგინის ვიზიტს ეხმხაურება.

როგორც ცინცაძემ „ექსპრესნიუსს" განუცხადა, მსგავსი ვიზიტები პატარა შანსს აჩენს, რომ საქართველომ ტერიტორიული მთლიანობა აღადგინოს.

„რუსი დეპუტატების საქართველოში ვიზიტი დადებითი ფაქტია, ვინაიდან თუ ეს დიდი სიკეთეს არ მოგვიტანს, არც არაფერს გვავნებს. რაც მეტი რუსი გავლენიანი პიროვნება იქნება ჩვენდამი დადებითად განწყობილი, ეს დაგვეხმარება სამომავლოდ მიზერული შანსი მაინც დაგვრჩეს ტერიტორიული მთლიანობის აღსადგენად, რუსეთის ბაზარზე შესასვლელად და ა.შ. ზოგადად, დიდ მტერთან კონტაქტები ყოველთვის უნდა შეინარჩუნო. რასაკვირველია, ევრაზიის კავშირში შესვლა გადამეტებული იქნებოდა, მაგრამ ფაქტია, რომ მაგალითად, იაპონიას რუსეთმა ჩვენზე უარესი დღე დააყენა, მაგრამ ამ ორ ქვეყანას დღემდე აქვთ საქმიანი ურთიერთობა“, - აცხადებს ცინცაძე.

ექსპერტმა NDI-ის კვლევებზე გააკეთა კომენტარი და აღნიშნა, რომ ნატო-ში შესვლის მსურველთა რაოდენობა სამიტიდან სამიტამდე იკლებს.

„NDI-ის მიერ გამოქვეყნებული ციფრები, სადაც ნატო-ში გაწევრიანებას მხარს 64% და ევროკავშირში შესვლას 72% უჭერს მხარს, აბსოლუტურად ლოგიკურია. მე მახსოვს, რომ ნატო-ში გაწევრიანებას მოსახლეობის 92%-იც კი ითხოვდა. თუმცა, ნატო-ში გაწევრიანების მსურველი ადამიანების რიცხვი სამიტიდან სამიტამდე იკლებს. ჩვენ დრო ძალიან ცოტა გვაქვს და ყოველ სამიტზე გვეუბნებიან, რომ კვლავ დიდი გზა გვაქვს გასავლელი. მაშინ, როდესაც საფრთხე არა მარტო ჩრდილოეთიდან გვემუქრება. მე ვგულისხმობ ისლამურ სამყაროს. კარგი იქნება თუ სხვა მხარესაც მოვტრიალებთ თავს“, - აცხადებს ცინცაძე. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება