პრეზიდენტს ნებისმიერი განცხადების დროს გაცილებით მეტი დაფიქრება მართებს, მით უფრო, რომ კახა კალაძე მისი საარჩევნო შტაბის ხელმძღვანელიც იყო, - ამის შესახებ ფრაქცია "ქართული ოცნების" თავმჯდომარემ გია ვოლსკიმ ჟურნალისტებს განუცხადა. 

როგორც ვოლსკიმ აღნიშნა, “კალაძეს ამ კონკრეტულ თემასთან არავითარი კავშირი არც ჰქონია, არა აქვს და არც მომავალში ექნება“. 

“კალაძის, როგორც “ქართული ოცნების“ საარჩევნო შტაბის ხელმძღვანელის დისკრედიტაცია, არის ერთ-ერთი მიმართულება, რომელსაც რასაკვირველია, გარკვეული პოლიტიკური ძალები მხარს დაუჭერენ. ვფიქრობ, პრეზიდენტს ნებისმიერი განცხადების დროს გაცილებით მეტი დაფიქრება მართებს, მით უფრო, რომ კალაძე მისი საარჩევნო შტაბის ხელმძღვანელიც იყო და საკმაოდ წარმატებულად დაანახა პრეზიდენტს საკუთარი თავი, თუ რა ღირებულებების მატარებელია“, - განუცხადა ჟურნალისტებს გია ვოლსკიმ. 

ჟურნალისტის კითხვაზე, ხომ არ არის საეჭვო დაპირისპირებაში მონაწილე პირების პოლიტიკური ლიდერის გვერდით გამოჩენა, პარლამენტარმა განმარტა, რომ ეს იმას არ ნიშნავს, რომ “აუცილებლად რაღაც დავალებითი კავშირი არსებობს“. 

​“ისინი მართლაც აქტივისტები არიან. ხშირ შემთხვევაში იყვნენ გარკვეულ აქციებზე და სწორედაც მათი ამოცანა და მოვალეობაა ის, რომ რეალურად იყოს სიმშვიდე და არ იყოს დაპირისპირება, თუმცა ვფიქრობ, რომ დაპირისპირების პროვოცირება წარმატებული იყო“, - აღნიშნა ვოლსკიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება