2016-07-23 17:45:27, 788 ნახვა
საზოგადოება
დაშავებული მორაგბეებისა და მათი მეუღლეების ჯანმრთელობის მდგომარეობა უცვლელია
ავტოავარიის დროს დაშავებული მორაგბეებისა და მათი მეუღლეების ჯანმრთელობის მდგომარეობა კვლავ უცლელია.
როგორც „ექსპრესნიუსს“ დასავლეთ საქართველოს ინტერვენციული მედიცინის ცენტრში განუცხადეს, ლომინაძე და დაშავებული ქალბატონები კვლავ მართვით სუნთქვაზე იმყოფებიან.
„დაშავებული მორაგბეებისა და მათი მეუღლეების ჯანმრთელობის მდგომარეობა უცვლელია. არც ერთი მათგანის სიტუაცია არ გაუარესებულა. ოთხივე მათგანი მეთვალყურეობის ქვეშ იმყოფება და შესაბამისი სამედიცინო მომსახურეობა უტარდებათ. მორაგბეების მეუღლეებიც და თავად მორაგბე ლომინაძე კვლავ მართვით სუნთქვაზე იმყოფებიან“, - აცხადებენ საავადმყოფოში.
ცნობისთვის, მორაგბეები მერაბ კვირიკაშვილი და გიორგი ლომინაძე მეუღლეებთან ერთად 21 ივლისს ავარიაში მოყვნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
