ფრანსუა ოლანდი: მიუნხენში მომხდარი ტერაქტი ამაზრზენია

2016-07-23 12:52:38, 705 ნახვა

პოლიტიკა

საფრანგეთის პრეზიდენტის ფრანსუა ოლანდის განცხადებით, მიუნხენში მომხდარი ტერაქტი ამაზრზენია და შიშის ატმოსფეროს შექმნისკენ არის მიმართული.

ოლანდის თქმით, გერმანიას შეუძლია საფრანგეთთან თანამშრომლობის და მეგობრობის იმედი ჰქონდეს.

"გერმანია ამ ყველაფერს გაუმკლავდება. მას შეუძლია ჩვენთან თანამსრომლობის და მეგობრობის იმედი ჰქონდეს", - განაცხადა ოლანდმა.

მისივე თქმით, ის შაბათს გერმანიის კანცლერს ანგელა მერკელს დაუკავშირდება.

შეგახსენებთ, რომ გუშინ მიუნხენში, სავაჭრო ცენტრ "ოლიმპიასთან" უცნობმა მამაკაცმა მოსახლეობას ცეცხლი გაუხსნა, რის შედეგადაც 9 ადამიანი გარდაიცვალა, 20-მდე კი დაჭრა, 3 დაშავებული კრიტიკულ მდგომარეობაში იმყოფება.

ცნობისთვის, თავიდან ვრცელდებოდა ინფორმაცია, რომ თავდასხმაში 3 ადამიანი მონაწილეობდა.

გავრცელებული ინფორმაციით, სავაჭრო ცენტრში ცეცხლი 18 წლის ირანელმა ახალგაზრდამ გახსნა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან